POP 5

Lajmet më të lexuara të 5 minutave të fundit

Kronikë

Lleshaj: Vlora nuk kryeson më listën për kanabis, OFL po u tregon të gjithëve se askush nuk gëzon pasurinë e vënë nga krimi

Ministri i Brendshëm, Sandër Lleshaj tha se kultivimi i kanabisit e ka marrë goditjen nga policia dhe kjo shihet edhe në sasinë e drogës që kapet në vendet fqinje, një shifër që po shkon drejt zerimit. Vlerësim mori edhe operacioni i OFL-së, ku Lleshaj tha se mesazhi i saj është pikërisht fakti që t'u tregojë të gjithëve se askush nuk do të gëzojë pasurinë e venë nga krimi.

"Vlora nuk kryeson më listën e qyteteve kryesore të kultivimit të lëndëve narkotike", ishte deklarata e Ministrit të Brendshëm, Sandër Lleshaj duke thënë se kultivimi i kanabisit e ka marrë goditjen nga policia dhe kjo shihet edhe në sasinë e drogës që kapet në vendet fqinje, një shifër që po shkon drejt zerimit.

 "Kanabisi ka marrë goditje shumë të mëdha në të gjithë vendin. Vlora nuk kryeson më listën e probleme si rrjedhojë e punës së policisë. Ka marrë goditje të mëdha si këtu dhe në  gjithë Shqipërinë dhe këtë e shohim në sasinë e drogës që kapet nën brigjet përballë ku është drejt zerimit, Kanabizimi e ka marrë goditjen e tij", tha Lleshaj.

Vlerësim mori edhe operacioni i OFL-së, ku ministri Lleshaj tha se mesazhi i saj është pikërisht fakti që t'u tregojë të gjithëve se askush nuk do të gëzojë pasurinë e venë nga krimi, pasi ajo pasuri herët apo vonë do të vihet në shërbim të komunitetit.

"Krimi sado që të zgjasë në kohë në fund pasuri e tij kriminale do i hiqet nga duart dhe ky është mesazhi që do të jap OFL. Do vijë një ditë që pasuria e vënë ën këtë rrugë do të vihet në shërbim të komunitetit", tha Lleshaj.

Ministri Lleshaj foli për përmirësim të të gjithë indikatorëve të cilët masin performancën e punës së policisë, ndërsa ftoi të rinjtë e diplomuar në sektorët përkatës t'i bashkohen radhëve të policisë. Këto deklarata Lleshja i bëri nga Vlora ku u prezantua dhe struktura e re "Shqiponja".

“Qëllimi është lufta e vendosur kundër krimit. Ndaj është nevojë e dorës së parë që policia të jetë e pajisur, e trajnuar etj. Ndërkohë sfida e re do të jetë luftimi i krimit edhe aty ku nuk ka qenë traditë e fortë. Kryesisht në fushën e krimit kibernetik dhe krimit ekonomik", shtroi Lleshaj.

Lleshaj mohoi zërat se do të largohet nga posti apo se në qeveri do të ketë ndryshime ku u pyet nga gazetarët për këto të fundit duke thënë se asnjë psot nuk është i përjetshëm.

 "Asnjë post nuk është i përjetshëm, as posti im s'do jete i përjetshëm. Nuk do jem i përhershëm në qeveri, është e sigurt se s'do të jem më ministër . Asnjë nuk është i përhershëm në një post", tha Lleshaj.  

Më herët edhe vetë Kryeministri Edi Rama ka mohuar se do të ketë ndryshime në qeveri.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56