Lleshaj: Zgjedhjet e 25 prillit do jenë më të mirat në histori (VIDEO)

Ministri i Brendshëm Sandër Lleshaj ka prezantuar në Shkodër strukturën e policore “Shqiponja”. Njësia e posaçme do godasë krimin në të gjitha nivelet. Ministri garantoi se zgjedhjet parlamentare të 25 prillit do të jenë më të mirat në historinë e Shqipërisë.

Ministri i Brendshëm Sandër Lleshaj, gjatë prezantimit të njësinë “Shqiponja” në Shkodër, një strukturë e posaçme operacionale për goditjen e krimit në të gjitha nivelet, u shpreh se zgjedhjet 25 prillit do jenë më të mirat në historinë e Shqipërisë, duke garantuar një menaxhim korrekt nga policia.

"Nuk kemi sinjalizim për aktivitet kriminal në këtë fushë por kemi garanci të plotë se policia e shtetit edhe me masat që do marrim në përforcim të strukturave të saj do të jetë absolutisht e afte për të menaxhuar për situatën e zgjedhjeve dhe Shqipëria do të ketë pa diskutim zgjedhjet më të mira në historinë e saj", u shpreh Lleshaj.

"Me ose pa ju?" - Lleshaj "Me, me"

Kryetarja e Bashkisë së Shkodrës Voltana Ademi, e pranishme në ceremoni, tha se shpresonte se policia nuk do të përfshihej në zgjedhjet e ardhshme parlamentare.

"Sigurisht ne kemi nevoje për efektive policisë profesional, njërez larg politikes që sigurojnë zbatimin e ligjit, edhe shpresoj shumë që në zgjedhjet që do vinë të mund të luajnë atë rol që i takon, në bazë të ligjit pa u përfshirë ne ato çfarë të gjithë ne nuk e dëshirojmë. Duke ruajtur ne pikërisht atë që i takon, paanësinë dhe ushtrimin e drejte të funksionit të vet",  tha më tej Ademi.

Ndërkaq, Drejtori i Përgjithshëm i Policisë së Shtetit, Ardi Veliu, duke u ndalur tek njësia e re policore, u shpreh se me këtë njësi të posaçme, Shkodra, një zonë me kriminalitet të theksuar do ketë më shumë siguri.

"Qarku Shkodër në tërësi është një qark me kriminalitet të trashëguar, i vështirë për tu, menaxhuar dhe më i vështirë akoma kur ke një polici të vogël në numër të patrajnuar, pa logjistiken e nevojshme. Por me krijimin e kësaj force të posaçme tashmë, Shkodra do të këtë me shumë rende sigurie me shume besim e mbështetje për policinë", Tha Veliu

Veliu i kërkoi strukturës së re që të fokusohet edhe për garantimin e sigurisë në Shkolla. Më parë ministri Lleshaj dhe Veliu kanë prezantuar forcën e re policore në Tiranë dhe Vlorë.

//Shqiptarja.com

TAG:
• Shkoder
• voltana ademi
• Sander Lleshaj