Llogaritja e pensioneve, sa del
 pagesa sipas rrogës aktuale

TIRANE- Një person që ka punuar gjatë gjithë jetës së tij me pagën minimale 22 mijë lekë, kur të mbushë moshën, pensioni i tij do të jetë 14 670 lekë. Ndërsa për një pagë vetëm 1 mijë lekë më shumë, (23 mijë lekë në muaj), do të merret një pension prej 15 mijë lekë.

Për çdo pagë 1 mijë lekë më të lartë, pensioni shtohet me minimumi 400 lekë dhe bazohet në formulën e re e pensioneve: Sa më shumë kontribute të derdhësh aq më i lartë do të jetë pensioni. Të dhënat që janë publikuar nga Instituti i Sigurimeve Shoqërore, përcaktojnë masën e pensionit për pagat 22-80 mijë lekë. Për të llogaritur pensionin janë marrë parasysh 36 vite kontribute, duke qënë se, burrave dhe grave nga viti 2015 u duhen 35 vite e 4 muaj për të përfituar të plotë pensionin.