POP 5

Lajmet më të lexuara të 5 minutave të fundit

Kronikë

Hetimet për lobimin e LSI-së në SHBA/ Apeli i GJKKO lë në fuqi vendimin për sekuestro, nuk i kthen celularin Monika Kryemadhit

Apeli i GJKKO la në fuqi masën e sekuestros të telefonit të deputetes së Partisë së Lirisë, Monika Kryemadhi. Përmes një njoftimi të bërë publik, GJKKO bën me dije se ka rrëzuar kërkesën e saj e cila kërkoi marrjen e telefonit të saj që i është sekuestruar nga SPAK

Gjykata e Posaçme e Apelit ka rrëzuar ankimin e deputetes së Partisë së Lirisë, Monika Kryemadhit për të hequr sekuestron ndaj telefonit të saj, të sekuestruar në kuadër të hetimeve që po kryhen nga SPAK, për lobimin e LSI-së në SHBA.

Gjyqtarja Igerta Hysi la në fundi vendimin e GJKKO-së të datës 7 dhjetor për sekuestro të telefonit të markës Iphone të deputetes Monika Kryemadhi.

'Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Igerta Hysi, sot më 04.01.2024, ora 09:30, shpalli vendimin mbi çështjen penale nr. 189 akti, datë 27.12.2023 regjistrimi, regjistruar mbi ankimin e ankueses M.K., me objekt: “Ankim ndaj vendimit nr. 481, datë 07.12.2023 të Gjykatës së Posaçme të Shkallës së Parë, që ka rrëzuar kërkesën e shtetases M.K. për heqjen e sekuestros dhe kthimin e sendit të sekuestruar (telefon i markës Iphone)", dhe vendosi: Miratimin e vendimit nr. 481, datë 07.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar.'-njofton apeli i GJKKO-së.

Kujtojmë se në lidhje me hetimet për lobimin, më 21 korrik të vitit të kaluar, ish-kryetari i LSI-së, sot Partia e Lirisë, Petrit Vasili, u thirr nga SPAK, ndërsa në prill të 2023 ishte thirrur edhe Endrit Braimllari, ish-deputet i LSI-së.

Hetimet e SPAK, nisën për korrupsion dhe falsifikim dokumentesh, pa emër personi të dyshuar, pas kallëzimit të ish deputetit Halit Valteri, që akuzoi partinë e drejtuar asokohe nga Ilir Meta, se ka paguar 700 mijë dollarë për lobimin në SHBA, përfshirë vizitat në SHBA edhe një foto me ish-presidentin republikan Donald Trump.

Më 16 maj të vitit 2022, gazeta austriake “Kronen Zeitung” publikoi një artikull ku theksoi se Meta pagoi 700 mijë dollarë për lobim përmes një kompanie qipriote për të siguruar foton në ceremoninë e inaugurimit të Trump.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kollodoku: 04/01/2024 10:38

    Mossss, po i lexojne mesazhet nga dashnoret Mones. Like, hudh noi lek te ti tregojme se sa kollodoke ka thy mona para e mbrapa.

    Përgjigju
  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

VIDEO/ Mijëra tifozë në rrugët e Milanos, Inter nis festën e titullit me autobus të hapur

VIDEO/ Mijëra tifozë në rrugët e Milanos, Inter nis festën e titullit me autobus të hapur

28 Prill, 16:23