Këshilli i Lartë Gjyqësor nuk po arrin të marrë një vendim për fatin e gjyqtarit të Korçës, Markelian Kuqo, i cili liroi Gerd Gjeneralit (Gjinarari), i dënuar me burgim të përjetshëm për vrasje. Në 30 korrik të këtij viti, Inspektori i Lartë i Drejtësisë, Artur Metani, i ka kërkuar KLGJ shkarkimin nga detyra të gjyqtarit Kuqo, i cili akuzohet se ka liruar nga burgu një person me rrezikshmëri shoqërore, duke shkelur ligjet. Në 17 shtator 2020, Këshilli i Lartë Gjyqësor vendosi të caktonte datën 2 tetor për të zhvilluar seancën dëgjimore me gjyqtarin Kuqi, për të marrë më pas një vendim.
Në vijim, gjyqtari Markelian Kuqo kishte paraqitur një kërkesë në KLGJ për shtyrjen e seancës dëgjimore me datë 14 tetor 2020. Kërkesa u pranuar nga KLGJ në mbledhjen e datës 2 tetor 2020. Në mbledhjen e datës 14 tetor 2020, u paraqitën gjyqtari Kuqo dhe Metani në KLGJ, ku parashtruan pretendimet e tyre. Kuqo, lexoi për më shumë se dy orë pretendimet e tij, duke e konsideruar kërkesën për shkarkim si të pabazë dhe me prapavi politike. Megjithëse seanca zgjati mbi 3 orë, KLGJ nuk e mbylli dot këtë fazë procedurale.
Këshilli vendosi të shtyjë seancën dëgjimore për datën 21 tetor 2020, me qëllim shqyrtimin me objektivitet dhe paanësi të provave dhe fakteve të paraqitura nga gjyqtari dhe për të vendosur për vijueshmërinë e procesit. Në mbledhjen e datës 21 tetor, Këshilli vendosi të shtynte seancën dëgjimor në datën 5 nëntor 2020 për seancën e radhës, “me qëllim dhënien e mundësisë palëve të njihen me dokumentacionin e dosjes personale të magjistratit”.
Në seancën e datës 5 nëntor 2020, gjyqtari Markelian Kuqo nuk u paraqit në KLGJ, me pretendimin se bashkëshortja e tij dhe përfaqësuesja e tij ligjore, dyshoheshin me simptome të covid-19. Në një e-mail që i ka dërguar KLGJ, gjyqtari ka shkruar se bashkëshortja dhe avokatja kanë bërë analizat mjekësore dhe se po prisnin rezultatin. Në këto kushte, KLGJ caktoi datën 12 nëntor 2020, për zhvillimin e seancës dëgjimore me gjyqtarin. Në seancën e 12 nëntorit, gjyqtari Kuqo nuk u paraqit sërish në KLGJ.
Në orën 10:00 të 12 nëntorit 2020, gjyqtari i ka dërguar një e-mail se që nga data 10 nëntor ndodhej i karantinuar familjarisht pasi është vërtetuar prezenca e virusit covid-19 në familje. Për këtë arsye, gjyqtari ka kërkuar shtyrjen e seancës pa afat. Nga shqyrtimi i dokumentacionit, KLGJ ka konstatuar se nga covid-janë prekur vetëm bashkëshortja dhe avokatja, por jo gjyqtari. Megjithatë, Kuqo ka pohuar se është karantinuar si familje. Në këtë kushte, KLGJ vendosi shtyrjen e seancës dëgjimore për datën 26 nëntor 2020.
Inspektori i Lartë i Drejtësisë, Artur Metani, pretendon se gjyqtari ka vepruar me dashje dhe në mënyrë të vullnetshme për vendimet e tij duke liruar padrejtësisht nga burgu Gerd Gjinararin. Gjyqtari Kuqo liroi nga burgu në 14 shkurt 2019, Gert Gjinararin, miku i Arben Grorit, i njohur ndryshe si "Gjenerali". Gert Gjinarari ishte dënuar me burgim të përjetshëm si bashkëpunëtor me Arben Grorin në vrasjen e bujshme të Naim Zyberit në Itali.
Markelian Kuqo dhe Gerd Gjinari
Lajme të tjera
-
Godinë me qira për Gjykatën e Apelit, KLGJ kërkon 30 milionë euro shtesë! PD: Ju kemi llastuar! Kryetari Rusi: S'po bëj kërkesa luksi
15 Nëntor, 12:53 -
E Ngarkuara me Punë e SHBA takim me anëtarët e KLGJ-së: Amerika mbështetje të fortë për institucionet e drejtësisë
12 Nëntor, 21:39 -
Progres raporti, ambasadori i BE-së: Mbyllja e negociatave në 2027 realitet nëse intensifikoni reformat! Shqetësim orvatjet për të ndikuar në drejtësi! Nevojë urgjente për dialog! Rama: S'bëhet me muskuj
31 Tetor, 10:48 -
Naureda Llagamit i përfundoi mandati, Ilir Rusi zgjidhet kryetar i ri i Këshillit të Lartë Gjyqësor
22 Tetor, 17:50 -
Gjykata detyron KLGJ që të paguajë magjistratët nga momenti i diplomimit
17 Tetor, 21:15 -
Shorti i tretë zgjidh ngërçin për vakancat në KLGJ dhe KLP
8 Tetor, 21:07 -
Institucionet e drejtësisë refuzojnë komisionin ‘Antikorrupsion’, vetëm KLP cakton dy anëtarë! Prokuroria e Përgjithshme dhe KLGJ nuk marrin pjesë: Gati të japim opinion
4 Tetor, 11:10 -
Komisioni antikorrupsion/ SHBA, Britania dhe BE: S'ka kthim pas të reformës në Drejtësi! Gonzato: Zbatoni vendimet e Kushtetueses siç janë
26 Shtator, 11:28 -
Kuvend/ Besnik Dervishi rizgjidhet Komisioner për të Drejtën e Informimit! Rrëzohet kandidatura e Erjon Fejzulla si anëtar i KLGJ-së
19 Shtator, 17:43 -
Akuzohet se falsifikoi letrën kërcënuese, gjyqtarja Arnisa Këlliçi merret e pandehur! Prokuroria e Durrësit: Letrën e shkroi vetë
12 Shtator, 23:20
-
Kreu i ILD Metani: Komunikimi diplomatik për drejtësinë, ndihmon procesin integrues të vendit në BE
26 Korrik, 08:44 -
Shorti i tretë përzgjedh anëtarët e KLGJ dhe KLP nga avokatia (EMRAT)
16 Korrik, 15:11
