Një i dënuar në komunizëm, një i persekutuar, por edhe një dënues, që gjer në vdekje, shkon me idenë, se ka bërë gjënë e duhur, janë tre prej personazheve që ngrenë në këmbë romanin më të fundit të autorit Bashkim Shehu.
Sapo është botuar në Itali nga “Rubbettini” romani "Loja, shembja e qiellit" i shkrimtarit Bashkim Shehu, me titullin "La rivincita" (Shpagimi), i përkthyer në italisht nga Paolo Rago,
Më 27 qershor u bë edhe prezantimi i parë i këtij romani në Fano, në Itali, në prani të autorit Bashkim Shehu dhe me mbështetjen e prof. Matteo Mandala, në kuadër të Festivalit Ndërkombëtar "Passaggi".
Romani "Loja, shembja e qiellit" u botua në shqip nga Botimet Toena në vitin 2013 dhe po gjatë këtij viti u vlerësua me çmimet: "At Zef Pllumi" dhe "Autori më i mirë i vitit".
"Loja, Shembja e qiellit" trajton një histori personale në kohën e diktaturës, ndërsa prek edhe persekutimin e klerit katolik. Shehu pohon se romani nuk është autobiografi, edhe pse në faqet e tij jeta e personazheve kryesorë ka elementë të ngjashëm me jetën e vetë autorit. Autori e cilëson këtë, roman të vështirë, pasi i është dashur të transformojë ngjarje të periudhës së diktaturës duke i rrëfyer ato nëpërmjet gjuhës së letërsisë.
Bashkim Shehu djali i ish kryeministrit të diktaturës, Mehmet Shehut, që më pas vrau veten ka vuajtur edhe vet në burgjet e diktaturës.
Bashkim Shehu Loja shembja e qiellit-shqip
“Ka disa ngjarje që m’i kanë treguar bashkëvuajtësit. Unë do t’ju thosha këtë në thelb, të vërteta historike në romanin “Loja, shembja e qiellit” janë sa thuhen në shënimin në fillim. Pra persekutimi i klerit, apo episodi që është me gjyqin, ku babai i djalit që dënohet nxjerr sytë në gjyq. Dhe përderisa janë vënë atje, janë vënë qëllimisht dhe janë pjesë e romanit. Autori kaq duhet të thotë dhe jo më tepër, sepse të tjerët nuk kanë rëndësi.”, është shprehur Bashkim Shehu, autori i librit "Loja, shembja e qiellit".
Kopertina e librit ne italisht
Ky libër ishte romani që i dha shkrimtarit Bashkim Shehu çmimin letrar "Balkanika" duke e çmuar si shkrimtari më i mirë i Ballkanit në vitin 2015. "Loja, shembja e qiellit" meritoi çmimin special të jurisë të Prix Méditerrané Etranger, më 2018, pas botimit të tij në frëngjisht.
Lajme të tjera
-
Tiranë/ Ishin duke festuar në një lokal të Rruga Kavajës, plagosen me armë zjarri 3 të rinj! Në kërkim shoku i tyre
23 Korrik, 09:11 -
Gjelbërimi i peizazheve baritore të Bjeshkëve të Topojanit në Kukës, destinacion i preferuar i turizmit malor
23 Korrik, 09:03 -
Itali/ Shembet ballkoni i pallatit në Napoli! 2 të vdekur dhe 13 të plagosur, mes tyre 7 fëmijë
23 Korrik, 08:54 -
Janë vetëm iluzionet e Albin Kurtit!
23 Korrik, 08:43
-
Barcelona do të rrisë taksën turistike
23 Korrik, 08:28 -
Pas shërimit nga Covid, Biden kthehet sot në Shtëpinë e Bardhë
23 Korrik, 08:27 -
Kamala Harris konsolidon me shpejtësi mbështetjen e demokratëve, siguron 81 milionë dollarë fonde për fushatën
23 Korrik, 08:23 -
Kthjellime dhe vranësia kalmitare, si parashikohet moti sot
23 Korrik, 08:16 -
Media britanike ‘Daily Mail’: Mirë se vini në Rivierën Shqiptare, destinacioni i ri i pushimeve me ujëra bruz dhe plazhe të pacenuara
23 Korrik, 08:07 -
Goditje 'simbolike' ndaj Hungarisë, BE-ja zhvendos takimin e ministrave nga Budapesti në Bruksel
23 Korrik, 07:51 -
Tërheqja e Presidentit Biden nga gara, shkakton konfuzion lidhur me sfidat globale
23 Korrik, 07:39 -
Kamala Harris sulmon Trumpin: Mashtrues, grabitqar seksual! Media: Siguron mbështetjen e nevojshme për t’u bërë kandidate për presidente
23 Korrik, 07:26
