Lojërat e Fatit/ Ahmetaj-Metës: Ndoshta e ktheve padashje ligjin, unifikuam procedurat e tatimit

Pas kthimin nga Presidenti të ligjit “Për të ardhurat”, ka reaguar Ministria e Financave dhe Ekonomisë, e cila ka sqaruar se ndryshimet e propozuara në ligj për tatimin mbi lojërat e fatit nuk sjellin asnjë ndryshim apo relaksim të tatimit për kategoritë e lojërave të fatit nga ligji i vitit 2015.

Sipas kësaj Ministrie, bëhet fjalë vetëm për unifikimin e procedurës së tatimit, për të gjithë kategoritë e lojërave të fatit. Ndryshimi prek vetëm Lotarinë Kombëtare, e cila me ligjin e vjetër ka qenë e përjashtuar dhe tatohej sipas një ligji të veçantë në masën 10%.

“Presidenti, nëpërmjet mos dekretimit, ndoshta pa dashje, ka rrëzuar pikërisht parimin që synon të mbrojë, pra parimin e një sistemi të rreptë dhe njësoj i aplikueshem për të gjithë. Nëse ndryshimet e kthyera nga Presidenti nuk do të hyjnë në fuqi, atëherë do të kemi një trajtim të diferencuar të një subjekti në treg, i cili do të vijojë të tatohet me shkallë tatimore”, shkruhet në sqarimin e Ministrisë.

Në të gjitha kategoritë e lojërave të fatit tatimi mbi të ardhurat është 15%. E vetmja kategori që bënte përjashtim nga ky rregull ishte Lotaria Kombëtare, e dhënë me ligj të veçantë nga Qeveria Berisha në vitin 2013, nr. 95/2013 “Për miratimin e marrëveshjes së licencës për Lotarinë Kombëtare ndërmjet Ministrisë së Financave, si autoritet i autorizuar, dhe shoqërisë “Oesterreichische Lotterien” Gmbh, nëpërmjet shoqërisë “Olg project” Shpk, sipas të cilit kjo kategori lojrash është e tatueshme në masën 10%.

LEXO EDHE:
Ilir Meta arrestohet në fundjavë?

Argumentet e Metes

Argumenti që përdor Presidenti është se me këtë dekretim efektet e pritshme në buxhetin e shtetit apo në ekonominë familjare janë negative. Argumenti tjetër është se ky nen krijon premisë për shtimin e fenomeneve negative që cënojnë familjen në vendin tonë.

“1. Ndryshimet e realizuara në nenin 6, të ligjit nr. 39/2018, janë të pa argumentuara dhe nga vlerësimi i tyre rezulton se, zbatimi i këtij neni do të sjell uljen e barrës fiskale dhe përfitim financiar vetëm në favor të bizneseve që operojnë në fushën e lojrave të fatit, ndërkohë që ky nen nuk është në interes të publikut, si dhe efektet e pritshme në buxhetin e shtetit apo në ekonominë familjare janë negative".

TAG:
• Ilir Meta
• arben ahmetaj
• Ministria e Financave

Sondazhi i ditës:

A ka politika frikë nga SPAK-u?

• Po

  68.8%

• Jo

  26.2%

• Nuk e di

  5%

Vota total: 4258

• Sondazhi i ditës:

  A ka politika frikë nga SPAK-u?

  Po Jo Nuk e di