POP 5

Lajmet më të lexuara të 5 minutave të fundit

Politikë

“Lojërat e Fatit”, Braçe i hedh benzinë zjarrit: Dekreti i Metës përmbajtje të rreme. Ja çfarë i kujton

Një ditë pasi rrëzoi dekretin e Presidentit Meta që kthente për shqyrtim ligjin e lojrave të fatit, kreu i Komisionit të Ekonomisë Erjon Braçe sqaron arsyet dhe i kujton Kreut të shtetit votimin e LSI-së në 2015-ën.
“Lojërat e Fatit”, Braçe i hedh benzinë zjarrit: Dekreti i Metës përmbajtje të rreme. Ja çfarë i kujton

Ilir Meta dhe Erjon Braçe

Komisioni Parlamentar i Ekonomisë dhe Financave rrëzoi dje dekretin e Presidentit Ilir Meta i cili më herët riktheu për rishqyrtim në Kuvend ligjin për "Lojërat e Fatit".  Por sot Kreu i Komisionit të Ekonomisë, Erjon Braçe ka sqaruar edhe njëherë arsyet e rrëzimit të dekretit. I qartë në qëndrimin e tij, Braçe është shprehur se dekreti i Presidentit materialisht ishte i vërtetë por në përmbajtje i rremë.

“Dekreti i Presidentit materialisht ishte i vërtetë por në përrmbajtje ishte i rremë. Kemi marrë leje të flasim për thelbin e ligjit. Meqë kam lexuar edhe deklaratat politike, dua të sqaroj se ligji për tatmin mbi të ardhurat ka në thelb uljen e tatim fitimit për biznesin e vogël,   për shoqëritë e bashkëpunimit bujqësor e blegtoral dhe uljen e tatim fitimit për të gjithë sektorin e agroturizmit”

Erjon Braçe

Braçe i kujton Kreut të Shtetit votimin e vitit 2015, ku sipas tij, Meta dhe LSI asokohe në koalicion në qeverinë ‘Rama 1’ votuan pro këtij ligji, ndërsa tashmë kreu i shtetit e kthen.

“Pjesa tjetër e ligjit është e vjetër kur presidenti i Republikës përfshi dhe grupin parlamentar të LSI me Petrit Vasilin në krye kanë votuar pro këtij ligji”

Erjon Braçe

Në një reagim për Report Tv lidhur me mungesën e përfaqësuesve të Presidencës gjatë shqyrtimit të dekretit te Ekonomia, Tedi Blushi, zëdhënësi i presidentit Ilir Meta u shpreh se Presidenca nuk ishte njoftuar nga Kuvendi për shqyrtimin e ligjit, ndonëse Kreu i Shtetit nuk lëvizte nga qëndrimet e tij.

Po dje, edhe ministri i Finacave Arben Ahmetaj gjatë dëgjesës në Komisionin e Ekonomisë u shpreh se Presidenti Meta ishte informuar gabim në lidhje me ndryshimet në ligjin për "Lojërat e Fatit".

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

4 Janar, 23:06