Calja thotë se nuk ka marrë asnjë lek nga KOKSH dhe as nga Ministria e Arsimit dhe Sporteve, ndërsa shton se në Rio ndodhet me shpenzimet e familjes së tij.
Një ditë përpara nisjes së garës në lojërat Olimpike të Rios, në Brazil, peshëngritësi Calja paralajmëron denoncimin për shpifje të Bezhanit, kërcënon edhe me dorëheqjen e tij nga "Rio 2016", nëse kreu i KOKSH nuk tërheq deklaratat e tij.
Briken Calja është një nga gjashtë peshëngritësit shqiptar që merr pjesë në Lojërat Olimpike "Rio 2016".
Reagimi i plotë i peshëngritësit Briken Calja
"Është e tmerrshme dhe ndjej neveri ndaj një Presidenti që mashtron publikisht në lidhje me Bursën Olimpike. Briken Calja nuk ka marr qoftë dhe 1 lek Bursë të vjetër nga Komiteti Olimpik Kombëtar Shqiptar (KOKSH) apo Ministria Sportit. E kam thënë dhe e them publikisht jam këtu në Lojërat Olimpike #Rio2016 vetëm falë familjes dhe dashamirësve të sportit .. I bëj thirrje z.Viron Bezhani, të tërheqë mbrapa deklaratën përkundrazi do ta denoncoj për shpifje dhe abuzim me fondet e taksapaguesve shqiptarë. Ose e vetmja rrugë mbetet të jap dorëheqjen nga Lojërat Olimpike. Askush nuk mund të marrë meritën e kontributit të familjes time. Kam sakrifikuar jetën, rininë, familjen, kam derdhur gjak dhe djersë, mundim, stres për të ardhur deri këtu ku jam sot", thuhet në reagimin e peshëngritësit shqiptar, Briken Calja.
Redaksia Online
l.q/Shqiptarja.com