Briken Calja, peshëngritësi që Shqipëria kishte varur të gjithë shpresat për medaljen e parë në histori në Lojrat Olimpike, ka humbur podiumin vetëm për një kilogramë. Sportisti shqiptar është renditur i katërti në dygarësh në kategorinë deri në 73 kilogramë, me 341 kilogramë në total, një më pak se medalisti i bronxtë nga Indonezia Abdullah.
Në stilin e shkëputjes Calja e nisi me 151 kilogramë dhe befasoi duke mos u ngritur, por në provën e dytë ia doli po për kaq kilogramë. Të mëdha ishin shpresat në provën e tretë ku Calja tentoi 155 kilogramë, por fatkeqësisht nuk ia doli.
Në shkëputje sportisti ynë performoi më mirë, madje që në provën e parë ngriti 184 kilogramë. Në të dytën Calja tentoi 188, por ishte e pamundur. Në kushtet kur nuk kishte asgjë për të humbur Calja bëri mrekullinë në provën e tretë duke ngritur 190 kilogramë, por që nuk ishin të mjaftueshme për të sjellë medaljen e parë olimpike për Shqipërinë.
Gjithsesi performanca e Briken Cales është më e mira që Shqipëria ka bërë ndonëjherë në Lojrat Olimpike, pasi kurrë nuk ishte arritur një pozicion të tillë. Përsa i përket kategorisë 73 kilogramë medaljen e artë e mori Shi Zhiyong me 364 kilogramë, ndërsa të argjendtën e fitoi venezueljani Roben me 346 kilogramë.
Për performancën e peshëngritësit, Briken Calja duke e cilësuar si të shkëlqyer ka reaguar edhe kryeministri Edi Rama. Ai u shpreh se kjo është një arritje dinjitoze për Shqipërinë.
Nuk mund të mungonte edhe reagimi i presidentit, Ilir Meta i cili e karakterizoj gjithashtu performancën e sportistit shqiptar si të shkëlqyer.
Kryeministri Edi Rama ka reaguar, për renditjen e peshëngritësit Briken Caljas në vendin e katër në Lojërat Olimpike të Tokios.
“Edhe pse pa medalje për vetëm 1kg diferencë, Brikeni meriton një bravo të madhe”, shkruan Rama në rrjetin e tij social Facebook.
Kryeministri ka publikuar edhe disa fotografi nga momenti kur sportisti shqiptar është renditur i katërti në dygarësh në kategorinë deri në 73 kilogramë, me 341 kilogramë në total, një më pak se medalisti i bronxtë nga Indonezia Abdullah.
Presidenti Ilir Meta e ka vlerësuar përfaqësimin e peshëngritësit Briken Calja si një arritje dinjitoze për Shqipërinë.
‘Në vendin e katërt në botë”, shkruan Meta duke shtuar se kemi qenë vetëm 1 kg larg medaljes olimpike.
Lajme të tjera
-
Vendi i katërt në botë, Briken Calja 'shpërthen' pas garës: Trishtim, disa persona më hedhin poshtë djersën
10 Dhjetor, 08:56 -
Briken Calja e mbyll Botërorin e Peshëngritjes i katërti në shkëputje! Nesër garojnë Erkand Qerimaj dhe Kristi Ramadani
9 Dhjetor, 19:35
-
Botërori i mundjes, Veliaj: Kemi energjinë për ta kthyer Tiranën në një qytet për të gjithë
31 Tetor, 16:32 -
Rama nderon medalistët e Lojërave Olimpike: Ftoj më shumë sportistë të huaj të garojnë me fanelën e Shqipërisë, pa i ndryshuar emrin as ngjyrën (dhe një mesazh për hudhrat)
4 Shtator, 11:04 -
Thierry Henry jep dorëheqjen nga drejtimi i kombëtares së Shpresave të Francës
19 Gusht, 16:09 -
Shtëpia është e Zotit, mikut… por dhe e medalsjellësit
15 Gusht, 11:55
-
Paris 2024/ Fitoi medaljen e parë të artë për vendin e tij, në Pakistan e presin si hero
14 Gusht, 15:47 -
Paris 2024/ Rekorde dhe kuriozitete nga Lojërat Olimpike
13 Gusht, 13:59 -
Shqipëria synon medaljen e artë në Olimpiadë, Federata e Mundjes ankimon në CAS padrejtësinë kundër Chermen Valiev në 'Paris 2024'
13 Gusht, 12:02 -
Burgu i Rusisë dhe podiumi në Paris, atletja i provon të gjitha për 24 muaj
13 Gusht, 11:30 -
Mero Baze: Për këta që duan të ndalojnë festimet për medaljet olimpike
12 Gusht, 21:11
-
Ceremoni për ekipin olimpik, Veliaj: Sukses i paimagjinuar më parë për Shqipërinë! Të lëmë mënjëanë cic-micet dhe të bëhemi bashkë
12 Gusht, 21:11
