Protesta për lirimin e Ramush Haradinajt janë zhvilluar këtë të dielë edhe përpara ambasadës franceze në Londër.  

Dhjetëra shqiptarë me banim në Britaninë e Madhe i janë bashkuar këtij tubimi, ndërsa bënin thirrje ndryshme si “Shqipëri etnike”, “O Ramush o hero”,  “O Ramush o luftëtar t'i ke qenë një legjendar". 
 
Një ditë më parë, protesta u zhvillua në qytetin francez, Colmar, ku edhe mbahet në arrest me burg ish-kreu i AAK-së, Haradinaj. 

Ish-kryeministri i Kosovës u ndalua nga policia franceze, pas një urdhërarresti të lëshuar nga Serbia që në vitin 2004.

Haradinaj akuzohet nga Serbia për krime lufte, ndërkohë që Gjykata e Hagës e ka shpallur atë të pafajshme për këto akuz. 

Arrestimi i Haradinajt mbetet ende i paqartë, ndërsa nuk dihet nëse gjykata franceze do ta lirojë atë burgu, apo do pranojë kërkesën e Serbisë për ekstradim, çka do të përbënte një situatë krejt tjetër në marrëdhëniet jo vetëm rajonale, por edhe më gjerë.

 

Redaksia Online
l.q/Shqiptarja.com