"Kalifi" al-Bagdadi, lider i ISIS-it është plagosur rëndë marsin e kaluar pas një sulmi të koalicionit nën drejtimin amerikan, i përfshirë kundër xhihadistëve në Siri dhe Irak, njoftoi sot botimi online i gazetës britanike "The Guardian".
Gazeta citon një burim të lidhur me grupet terroriste në Irak, sipas të cilëve plagosja e al-Bagdadit ka vënë në rrezik jetën e këtij të fundit.
Këto burime shtojnë se ai po e merr veten, por nuk është vënë ende në krye të veprimtarisë së përditshme të ISIS-it./ atsh/