Lorenc Vangjeli në ‘Kontrast’: Celibashi i vetmi i pafajshëm në kaosin e PD-së, i hodhën pataten e nxehtë në prehër e thanë zgjidhe ti

 

Analisti Lorenc Vangjeli ka komentuar sot në Report Tv vendimin e kryekomisionerit Ilirjan Celibashi për të mos regjistruar në zgjedhje Berishën, por nga ana tjetër i kërkoi PD-së së Alibeajt që të plotësojnë dokumentacionin me firmën e Bashës. Në emisionin "Kontrast", Vangjeli thotë se i vetmi i pafajshëm në të gjithë situatën e krijuar është Celibashi, të cilit i kërkojnë që të zgjidhë çështjen e PD-së ndërsa gjykatat e kanë zvarritur prej një viti.

“Janë të gjithë të përfshirë, i vetmi që është i pafajshëm, në të gjitha kuptimet, njeriu që janë drejtuar të gjitha dritat e kamerave, Celibashi është i pafajshëm. I kërkohet të zgjidhë atë lëmsh që e kanë ngatërruar të tjerët prej 1 viti e gjysmë. Mund ta kishte kursyer atë në pikëpamja e një juristi, por në pikëpamjen e një qytetari ka të drejtë. Papritur pas një viti, zgjohet Basha dhe e dëshmon ekzistencën e tij me këtë shkresën që i është vënë në dispozicion. Të gjithë aktorët e përfshirë, me përjashtim të Celibashit, që i hidhet në prehër patatja e nxehtë dhe i thonë do e zgjidhësh ti këtë gjë.

LEXO EDHE:
Lorenc Vangjeli: Meta e Kryemadhi nuk janë Çausheskët e Tiranës

Drejtësi e vonuar është drejtësi e munguar, 1 vit rresht e mbajtur rrotull. Berisha legjitimitetin e tij e fitoi, por s’ka konfirmimin formal nga gjykata, nga ana tjetër dështimi i tij është politik se nuk mundi ti bëjë bashkë të gjithë pjesët në PD. të gjithë këta aktorë të marrë së bashku janë aq fajtor para demokratit të thjeshtë, që i vënë në dyshim dhe kërcënim deri në aftësinë për të shprehur vullnetin në kutinë e votimit. Ky quhet dështim", tha Vangjeli në Report Tv.

Vangjeli komentoi edhe ftesën e Alibeajt për kandidatët e primareve që të futen në zgjedhje nën logon zyrtare të PD-së. Vangjeli thotë se Berisha nuk pranon, pasi i bie alibia që do të përdorë pais të humbë zgjedhjet.

"Oferta juaj është hajde ta ndajmë humbjen së bashku. Pala tjetër se do këtë gjë se i bie alibia, i duhet alibia për humbjen e nesërme. Berisha nuk e pranon dot një gjë të tillë. 14 maji është një stacioni rëndësishëm, zgjedhje politike në të cilat është e kuptueshme që kështu si është situata nuk shkon dhe zgjidhja e vetme është largimi", tha Vangjeli.

Lajmi kryesor:

Sula në ‘Kontrast’: Nuk e njoh Bashën si kryetar, vendimin e KQZ e çojmë në KAS! Ristani: Celibashi sot në pozitë të vështirë, shkak kapja e gjykatave nga Rama

SI.E./KT/Shqiptarja.com

TAG:
• Lufta brenda PD
• kontrast
• lorenc vangjeli