LSI cakton datën përfundimtare, më 21 nëntor do zhvillojë Konventën Kombëtare, komandon nënkryetare të LSI në Tiranë Briseida Shehajn

Lëvizja Socialiste për Integrim në takimin e sotëm që zhvilloi me strukturat ka caktuar datën finale te zhvillimit të Konventës Kombëtare.

Në takim u vendos që Konventa të zhvillohet më datën 21 nëntor, që do të jetë me votimin ‘Një anëtar një votë’.

"Gjatë gjithë kësaj pune 8-mujore është bërë jo vetëm evidentimi i anëtarësisë së partisë, por edhe i shumë figurave të tjera, e shumë individëve, sidomos anëtarëve të rinj, të rinjve dhe të rejave që angazhohen pranë LSI-së.

Tashmë ne na duhet që të kryejmë një axhendë të saktë pune politike dhe të angazhimi duke marrë përsipër përgjegjësitë dhe duke përfunduar në Konventën Kombëtare që do të jetë me votimin ‘Një anëtar një votë’ që do të jetë më 21 nëntor dhe më pas duke përfunduar me Konventën Kombëtare me përfaqësimin jo vetëm të listave të deputetëve, të cilët do të kalojnë në një proces vettingu, që është pjesë e gjithë atij procesi që për LSI-në nuk është hera e parë.

Sepse të gjithë po e dëgjojmë sikur po bëhet ndonjë qamet i madh, por LSI procesin e vettingut e ka bërë që në zgjedhjet e 2013-s dhe në zgjedhjet e 2015-s dhe për mbi 580 kandidatët që kanë qenë për  anëtarë të Këshillit Bashkiak.

Kështu që është një proces që duhet ta përfundojmë dhe ti japim hapësira të reja, të japim elementë të rinj, angazhime të reja...", është diskutuar në mbledhjen e LSI.

Gjatë mbledhjes, LSI ka lajmëruar se ka komanduar nënkryetare të LSI në Tiranë, Briseida Shehajn.

B.K./Shqiptarja.com

TAG:
• LSI
• nentor
• konventa kombetare e LSI-së