Nismat e qeverisë “Berisha” për të hetuar rastet kur tokat janë ndarë në mënyrë të paligjshme duket se kanë qenë flluska sapuni. Madje, denoncimet e bëra prej individëve apo grupe interesi nuk përfilleshin nga komisionet e posaçme të verifikimit të titujve të pronësisë.

Një nga rastet është denoncimi i bërë nga shoqata “Bregdeti”, ku jepen me shifra dhe të dhëna konkrete abuzimet me ndarjen e tokës në bazë të ligjit 7501 në fshatrat e Bashkisë Himarë. Denoncimet e bëra në vitin 2012 janë njohur nga komisioni qeveritar për tokën, por se në terren nuk është marrë asnjë masë.