POP 5

Lajmet më të lexuara të 5 minutave të fundit

Sport

Luciano Spalletti: Kemi shumë emocione para ndeshjes me Shqipërinë! Pres të luajmë mirë

Trajneri i Italisë, Luciano Spalletti ka folur në konferencë për shtyp para ndeshjes ndaj Shqipërisë në Euro 2024, e cila zhvillohet të shtunën nga ora 21:00 në Dortmund.

Luciano Spalletti: Kemi shumë emocione para ndeshjes me Shqipërinë! Pres të luajmë mirë

Luciano Spalletti

DORTMUND - Trajneri i Italisë, Luciano Spalletti ka folur në konferencë për shtyp para ndeshjes ndaj Shqipërisë në Euro 2024, e cila zhvillohet të shtunën nga ora 21:00 në Dortmund. Ai deklaroi se skuadra është e përfshirë nga emocionet, por shtoi se ato janë pozitive ndërsa lajmëroi se Nicolo Barella është rikuperuar.

“Sigurisht që ka gjithmonë emocione kur luhen ndeshje të këtij niveli, por nuk janë emocione toksike. Janë emocione pozitive dhe të bukura të cilat për më tepër e bëjnë këtë stadium (Signal Iduna Park) të duket i mrekullueshëm”, tha fillimisht Spalletti.

Tekniku u ndal te lojtari kryesor i Italisë, Nicolo Barella, i cili ishte në pikëpyetje për ndeshjen me Shqipërinë.

“Ai është rikuperuar, por do të shohim nëse ia del të mbyllë të gjithë stërvitjen dhe më pas të kuptojmë nëse do të jetë në fushë nga minuta e parë. Pres që në fushë ndaj Shqipërisë të shohë ndeshje më të mira se ato dy të fundit. Punojmë çdo ditë së bashku dhe shpresoj që të vendosim në praktikë të gjithë ato që kemi punuar në stërvitje”, shtoi Barella.

Spalletti deklaroi se lojtarët janë heronj dhe se kanë punuar shumë për Euro 2024.

“Unë mendoj se në këtë moment, të gjithë ne jemi gjigantë, jemi heronj. Kemi pak kohë në stërvitje, por djemtë kanë treguar seriozitet dhe kështu bëhet më e lehtë”, nënvizoi i pari i italianëve.

Në fund ishte një koment për mbrojtësin Riçardo Calafiori, në të cilin Italia beson shumë pas sezonit të mirë me Bolognan.

“Ka treguar se mund t’i besojmë, ka kualitetet e një futbollisti ndërkombëtar. Është nga ata mbrojtës që kërkon të shkojë të shënojë me topin në këmbë”, përfundoi Spalletti.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Nga data 1 janar 2025, Shqipëria pranoi Certifikatat e Qarkullimit EUR 1

Nga data 1 janar 2025, Shqipëria pranoi Certifikatat e Qarkullimit EUR 1

7 Janar, 09:20