POP 5

Lajmet më të lexuara të 5 minutave të fundit

Bota

Lufta/ Armëpushimi në Liban do të zgjatet deri më 18 shkurt

Izraeli dhe Libani kanë rënë dakord të zgjasin armëpushimin e tyre deri më 18 shkurt, thanë zyrtarët amerikanë

Lufta/ Armëpushimi në Liban do të zgjatet deri më 18 shkurt

Ushtarë libanez

Izraeli dhe Libani kanë rënë dakord të zgjasin armëpushimin e tyre deri më 18 shkurt, thanë zyrtarët amerikanë.

Sipas një deklarate të Shtëpisë së Bardhë, zyrtarë nga Libani, Izraeli dhe SHBA-ja do të fillojnë negociatat për kthimin e robërve të marrë që nga përshkallëzimi i konfliktit më 7 tetor 2023.

Plani fillestar i armëpushimit, i shpallur në fund të nëntorit të 2024, i dha fund konfliktit 14 mujor midis Izraelit dhe grupit të armatosur libanez Hezbollah.

E ndërmjetësuar nga SHBA dhe Franca, marrëveshja i dha Hezbollahut 60 ditë kohë që trupat izraelitë të tërhiqeshin nga Libanin jugor.

Ndërkohë marrëveshja e së dielës (26 janar) erdhi disa orë pasi Libani tha se forcat izraelite vranë 22 persona në konfrontimet në jug të vendit.

Konflikti i gjatë midis Izraelit dhe Hezbollahut - një lëvizje militante, politike dhe sociale e mbështetur nga Irani - u përshkallëzua shtatorin e kaluar. Kjo çoi në një bastisje intensive ajrore izraelite në të gjithë Libanin, një pushtim tokësor në jug të vendit dhe vrasjen e udhëheqësve të lartë të Hezbollahut.

Ofensiva vrau rreth 4,000 njerëz në Liban - duke përfshirë shumë civilë - dhe bëri që më shumë se 1.2 milionë banorë të zhvendosen, shkruan BBC.

Qëllimi i Izraelit ishte të lejonte kthimin e rreth 60,000 banorëve që kishin ikur nga komunitetet në veri të vendit për shkak të sulmeve të Hezbollahut dhe të largonte grupin nga zonat përgjatë kufirit.

Hezbollahu nisi fushatën e tij një ditë pas sulmeve të Hamasit në Izraelin jugor më 7 tetor 2023, duke thënë se po vepronte në solidaritet me palestinezët në Gaza.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:51 nga Minella Aleksi