Izraeli ka intensifikuar sulmet ajrore me predha dhe artileri të rëëndë në zonën e Libanit, ku pretendon se po bombardon baza të Hezbollahut, teksa edhe ky i fundit është kundërpërgjigjur.
Por për të disatën herë është goditur baza e forcave paqeruajtëse UNIFIL të OKB-së dhe këtë herë raportohet për të paktën 4 ushtarë italianë të plagosur dhe dëme të shumta materiale.
Për herë të tretë në shtatë ditë, selia italiane e Shamës goditet nga konflikti në Libanin jugor. Teksa herët e kaluara kishte pasur dëme materiale, sot (22 Nëntor), njoftohet për 4 ushtarë të plagosur lehtë. Të plagosurit janë ushtarë të “Brigadës Sassari” dhe kanë marrë plagë të lehta, raporton “La Repubblica”.
IDF ka mohuar se është autore e hedhjes së predhave, teksa dyshohet se mund të jenë lëshuar nga ana e Hezbollah.
Për ngjarjen ka reaguar edhe kryeministrja italiane, Giorgia Meloni, e cila e ka dënuar sulmin si të papranueshëm, duke shprehur "indinjatën dhe shqetësimin". Ajo kërkoi "gjetjen e përgjegjësve", teksa riktheksoi se misioni paqeruajtës në Liban do vijojë.
Të njëjtin qëndrim mbajti më pas edhe kreu i Politikës së Jashtme të BE, Josep Borrell, që e cilësoi sulmin si "të papranueshëm" dhe e dënoi fuqishëm, duke kërkuar që të ndalojë.
Ditën e sotme ka pasur përsëri luftime të ashpra mes Izraelit dhe Hezbollahut në disa zona të Libanit, ku janë rrezikuar edhe baza të tjera të UNIFIL. Hezbollah ka hedhur raketa në drejtim të zonës veriore izraelite, por nuk ka raportime për viktima deri tani.
Kurse në mbrëmje, 7 persona në zonën e Baalbek, përfshirë drejtorin e Spitalit Universitar Dar al-Amal, në qytetin e Douris, Ali Allam, u vranë (22 Nëntor), pas një sulmi izraelit në Liban.
Josep Borrell, kreu i Politikës së Jashtme të BE
Pas sulmeve me predha ndaj bazës italiane të forcave paqeruajtëse të UNIFIL në Libanin jugor, ka ardhur edhe reagimi i shefit të diplomacisë së Bashkimit Europian, Josep Borrell.
"Dënoj fuqishëm sulmin e ri kundër misionit Unifil në Liban. Katër ushtarë italianë u plagosën pas lëshimit të dy raketave nga Hezbollah. Sulmet kundër Unifil përfaqësojnë një shkelje të rëndë dhe të papranueshme të ligjit ndërkombëtar dhe duhet të ndalen".
Kështu u shpreh përfaqësuesi i lartë i BE-së për Politikën e Jashtme, Josep Borrell, në një postim të hedhur në rrjetin social X.
Nga sulmi pati 4 ushtarë të "Brigadës Sassari" të plagosur lehtë dhe dëme materiale. Për ngjarjen reagoi edhe kryeministria italiane, Giorgia Meloni, që kërkoi gjetjen e përgjegjësve. Izraeli dhe Hezbollah nuk e kanë pranuar autorësinë e sulmit.
Pasojat e bombardimeve në Baalbek të Libanit
Shtatë persona në zonën e Baalbek, përfshirë drejtorin e Spitalit Universitar Dar al-Amal, në qytetin e Douris, Ali Allam, u vranë sot (22 Nëntor), pas një sulmi izraelit në Liban.
"Ky martirizim vjen mes sulmeve të vazhdueshme të nisura nga ushtria armike izraelite, kundër punonjësve të kujdesit shëndetësor dhe objekteve që përbëjnë një seri krimesh lufte", tha ministria libaneze e shëndetësisë, në një postim në X, të cituar nga Al Jazeera në internet.
"Dr. Allam është një nga djemtë më të mirë të Baalbek dhe shërbimet e tij në spital, i cili konsiderohet më i rëndësishmi në rajon, janë të panumërta", tha guvernatori i Baalbek, Bachir Khodr.
Por duket se Izraeli po sheh për një front të katërt lufte, nga mendon se vijnë përforcime për grupet që i cilëson si terroriste.
Ministri i Jashtëm irakian Fuad Hussein tha se kishte "kërcënime të qarta" nga Izraeli dhe se qeveria e tij kishte marrë "masa të brendshme dhe të jashtme" për t'iu kundërvënë atyre.
"Kryeministri u ka dhënë urdhër forcave të armatosura që të ndërmarrin veprime kundër atyre që kryejnë sulme duke përdorur territorin irakian", tha Hussein, siç raportohet nga Al Jazeera, duke nënvizuar se rajoni është "nën zjarr".
Forcat paqeruajtëse të UNIFIL në Liban, gjatë patrullimeve
Hezbollahu dhe ushtarët izraelitë po luftojnë në zonën Shamaa në Libanin jugor, në lagjen perëndimore të Tiros dhe jo shumë larg bazës ushtarake Unifil, e cila pret selinë e kontingjentit italian të misionit të OKB-së.
Përplasjet kanë vazhduar prej ditësh dhe sot (22 Nëntor) ato janë përhapur në zonën bregdetare, midis Bayada dhe Naqura, në Wadi Hamul, luginën poshtë kodrës Shamaa dhe në lokalitetet Yarin dhe Marwahin, afër vijës së demarkacionit midis të dy fshatrave.
Luftimet intensive vazhdojnë edhe rreth Khiam, një qytet në Libanin jugor afër vijës ndarëse midis dy vendeve dhe i vendosur në një kodër strategjike me pamje nga lugina e lumit Litani, në rrethin lindor të Marjuyoun.
Burimet lokale dhe vetë shërbimi i informacionit i Hezbollahut raportojnë për përplasje të dhunshme të armatosura dhe bombardime artilerie në të gjithë zonën, veçanërisht midis lokaliteteve Kafr Kila, Deir Mimas dhe Burj al Muluk, në jug-perëndim të Khiam.
Nuk ka ende të dhëna për viktima, teksa në bazën italiane të UNIFIL u raportua për 4 ushtarë italianë të plagosur lehtë.
Kryeministrja italiane, Giorgia Meloni
Bombardimet që prekën edhe bazën e paqeruajtësve të UNIFIL në Liban, mision i OKB-së atje, kanë sjellë edhe reagimet nga diplomacia ndërkombëtare dhe veçanërisht ajo e Italisë.
Baza e sulmuar nga predhat është ajo italiane, ku raportohet se u plagosën lehtë 4 ushtarë italianë të “Brigadës Sassari”. Sulmi nuk ëhstë marrë përsipër as nga Izraeli dhe as nga Hezbollah, që e mohuan të dyja autorësinë.
Për ngjarjen reagoi edhe kryeministrja Italiane, Giorgia Meloni.
“Mësoj me indinjatë dhe shqetësim të thellë lajmin e sulmeve të reja të pësuar nga selia italiane e Unifil në Libanin jugor, të cilat shkaktuan edhe plagosjen e disa ushtarëve tanë të angazhuar në një mision paqeruajtës”, shprehet në një postim në X kryeministrja italiane.
Teksa më tej apelon për gjetjen e përgjegjësve të sulmit dhe vijimin e misionit paqeruajtës italian atje:
“Dëshiroj të shpreh solidaritetin dhe afërsinë time dhe të qeverisë për të plagosurit, familjet e tyre dhe mirënjohjen e sinqertë për aktivitetin që kryen çdo ditë i gjithë kontingjenti italian në Liban. E ritheksoj edhe një herë”, vijon Meloni, “që sulme të tilla janë e papranueshme dhe rinovoj apelin tim që palët në terren të garantojnë në çdo kohë sigurinë e ushtarëve të Unifil dhe të bashkëpunojnë për të identifikuar shpejt përgjegjësit”.
Lajme të tjera
-
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Lideri i Hezbollah: Do të godasim qendrën e Tel Avivit
20 Nëntor, 16:31 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Provokimi i Netanyahut në plazhin e Gazës: Hamasi s’do qeverisë më kurrë në Rrip, japim 5 mln dollarë për çdo peng të liruar
20 Nëntor, 08:22 -
Netanyahu viziton Rripin e Gazës: Hamasi nuk do të qeverisë më këtu! Baza italiane e UNIFIL në Liban goditet me 8 raketa! Argjentina tërheq trupat e saj
19 Nëntor, 16:38 -
I dërguari i SHBA-së mbërrin në Bejrut, Libani e Hezbollahu pranojnë propozimin për armëpushim
19 Nëntor, 09:16
