"Lufta e çimentos", Prishtina:
Shqipëria dëmtoi tregun tonë
![](https://shqiptarja.com/foto/54320_2.jpg)
Shqipëria dëmtoi tregun tonë">
TIRANE- Merr përmasa të tjera “lufta e çimentos” midis Kosovës dhe Shqipërisë. Sipas ministres kosovare Kusari-Lila, Shqipëria ka dëmtuar tregun kosovar, duke hedhur në të, jo vetëm çimento të prodhuar në Shqipëri, por edhe çimento të prodhuar në vende të tjera. Ministrja e Tregtisë dhe Industrisë në Kosovë, Mimoza Kusari-Lila mbron vendimin e saj për vendosjen e tarifës prej 35 për qind për çimenton e importuar nga Shqipëria dhe vendet e tjera, me arsyetimin se në tri vitet e fundit është rritur importi i këtij produkti në treg nga 3 në 35%. Diçka e tillë ka prekur tregun e çimentos, duke e dëmtuar më së shumti fabrikën e vetme të prodhimit të çimentos në Kosovë “Sharr Cem”.
“Dua të theksoj se kjo masë nuk është marrë vetëm ndaj Shqipërisë, por ka ndërlidhje edhe me produktet që vijnë nga Shqipëria në Kosovë, nga Italia e vende të tjera evropiane, jo në proporcion me rrjedhën e tregut të lirë. Prandaj ka një ndërhyrje në treg, kjo është një masë e përkohshme 90-ditore. Nëse vërtetohet që s’ka një praktikë që prish tregun në Kosovë, masa mund të zgjatet, në rast të kundërt mund të vazhdohet më tej”, deklaroi Kusari-Lila në një intervistë për Top Channel.
Sipas ministres, problemi nuk është vetëm te fabrika e prodhimit në Fushë Krujë, por në të njëjtën kohë Shqipëria importon edhe çimenton e prodhuar në Itali. Një grup punues po heton mbi arsyet e importit në sasi të mëdha të çimentos në Kosovë.
Teksa mohon pretendimet se një masë e tillë ngre koston e ndërtimit, ministrja Kusari-Lila shton se kompanitë kosovare të importit kanë manipuluar me faktet, duke e deklaruar çimenton me çmim shumë të ulët në doganë dhe duke e shitur më pas me çmimin e tregut. “Fitimi që paraqitet në doganë nuk është i njëjtë me atë real. Synimi i kësaj mase nuk është bllokimi, por vetëm sqarimi dhe vendosja nën kontroll e tregut. Në të njëjtën mënyrë monitorohet njëkohësisht edhe çmimi i produktit kosovar, në mënyrë që të mos rritet abuzivisht fitimi i krijuar”.
Vendimi i Ministrisë së Tregtisë është kritikuar nga deputetet e Kuvendit e Kosovës. Dy deputetë, njeri nga koalicioni për Kosovë të Re e tjetri nga PDK-ja, që të dy në bashkëqeverisje me ministren Kusari-Lila, kanë thënë se bllokimi i çimentos shqiptare iu shërben interesave të ngushta klanore.
Të dhënat nga doganat e Kosovës flasin për atë se më 12 dhe 13 qershor ka munguar tërësisht importi nga Shqipëria, por ka vazhduar të hyjë çimento nga Greqia, Italia dhe Serbia.
(sg/shqiptarja.com)
Sondazhi i ditës:
Sa përcaktuese do jetë vota e emigrantëve në zgjedhjet e 2025-ës?
-
Shumë
26.2%
-
Pak
40.5%
-
Aspak
33.4%
Vota total: 1369
Votat totale janë unike
Lajme të tjera
-
Sherr me thika mes dy të rinjve në Pogradec, një i plagosur! Arrestohet 24-vjeçari
27 Korrik, 22:41
-
Politika s’ka moral, por kjo jona s’ka edhe logjikë
27 Korrik, 22:36
-
'Më kapi për fyti ...', shqiptarja denoncon ish-bashkëshortin grek në polici
27 Korrik, 22:35
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
Rikthehet Festivali i Porto Palermos, 12 netë magjike në kalanë e ‘Ali Pashës’! Olen Cesari flet për Report Tv: Promovojmë Shqipërinë në botë
27 Korrik, 22:13
-
Zjarri në Shëngjin, Report Tv sjell pamjet me dron
27 Korrik, 22:02
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55
-
Lojërat Olimpike në Francë, flamuri i eventit u ngrit përmbys! Ngatërrohet Koreja e Jugut me të Veriut
27 Korrik, 21:35
-
Fusha e mbetjeve 3 ditë në flakë, protestë para Bashkisë së Vlorës: Duam Turizëm
27 Korrik, 21:24
-
Skandali/ Në Lojërat Olimpike, Shqipëria çoi një flamur imitim kinez! Luiza Gega s’do ta kisha mbajtur! Zhupa: E turpshme!
27 Korrik, 21:20
-
Sherr në restorantin në Vlorë, i mituri godet me thikë 38-vjeçarin me probleme të shëndetit mendor
27 Korrik, 21:11
-
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09