Imazhet satelitore të mbledhura dhe të analizuara nga Maxar Technologies tregojnë një kolonë ushtarake tetë milje të gjatë që lëviz në jug përmes qytetit lindor të Ukrainës, Velkyi Burluk, më 8 prill.
Qyteti ndodhet në lindje të Kharkiv, afër kufirit të Ukrainës me Rusinë.
![](https://shqiptarja.com/template/img/NO_ALFA_Kuadrate shqiptarja.png)
Imazhet tregojnë "automjete të blinduara, kamionë me artileri të tërhequr dhe pajisje mbështetëse" që përbëjnë kolonën, tha Maxar.
Zyrtarët ukrainas thonë se luftime të mëdha janë duke u zhvilluar në lindje të vendit, me bombardime të rënda të raportuara në të gjithë rajonin e Donbasit, përpara asaj që ata paralajmërojnë se mund të jetë një ofensivë e madhe ruse. Shefi i inteligjencës mbrojtëse të Ukrainës tha të premten për CNN se trupat ruse po rigrupohen përtej kufirit dhe planifikojnë të avancojnë drejt Kharkiv.
Zyrtarët kanë kërkuar evakuimin e civilëve nga rajoni, pasi forcat ruse e zhvendosin fokusin në Ukrainën jugore dhe lindore.
Më herët gjatë pushtimit të Rusisë, një autokolonë ushtarake ruse 40 milje (64 kilometra), e përbërë nga tanke, automjete të blinduara dhe artileri të tërhequr, ngjalli tmerr në mesin e ukrainasve që mbronin ndërsa po shkonte drejt kryeqytetit të tyre Kiev në Ukrainën veriore. Por kolona ngeci pasi u përball me rezistencë të ashpër ukrainase dhe sfida në aksesin e furnizimeve, përpara se të shpërndahej pa arritur kurrë në qytet.
Lajmi kryesor:
Kolona ushtarake ruse prej 12 km drejt Kharkiv! SHBA: Urdhri për të vrarë civilë, nga Putin! Kuleba: Gjermania e Franca s’lejuan anëtarësimin e Ukrainës në NATO në 2008, sot vuajmë pasojat
![](https://www.shqiptarja.com/template/img/sh_logo1.png)