Një javë pas prishjes së armëpushimit dhe pas një nate tjetër sulmesh të ndërsjella, Irani e ka shpallur përfundimisht të pavlefshme marrëveshjen e arritur me Shtetet e Bashkuara në Islamabad dhe po kërcënon me një ofensivë në shkallë të gjerë në përgjigje të bastisjeve amerikane në ura, termocentrale dhe infrastrukturë tjetër.

Ndërsa dy ushtarë amerikanë u vranë në një sulm nga Teherani në Jordani, uniformat e para ushtarake që humbin jetën në një luftë që po bëhet gjithnjë e më të ndërlikuar.

Komanda Qendrore e Shteteve të Bashkuara thotë se ka përfunduar një seri tjetër sulmesh kundër Iranit, duke u goditur objektet bregdetare iraniane të mbikëqyrjes dhe mbrojtjes ajrore, anijet detare dhe vendet e magazinimit të raketave dhe dronëve, me qëllim që të vazhdonin të dobësonin aftësitë ushtarake të Iranit.

“Forcat amerikane shënjestruan gjithashtu forcat e Korpusit të Gardës Revolucionare Islamike, të cilat më 17 korrik kryen sulme kundër anëtarëve të shërbimit amerikan në Jordani”, njoftoi SHBA.

Lajm ne perditesim...

Rendit zhvillimet sipas orarit:
Ora 14:20
SHBA sulmon një central bërthamor në ndërtim në Iran, Teherani: Sulm terrorist

Organizata e Energjisë Atomike e Iranit njoftoi se Shtetet e Bashkuara kanë sulmuar këtë të shtunë (19 korrik) centralin bërthamor të Darkhovinit, i cili ndodhet në ndërtim e sipër në jugperëndim të vendit.

Sipas një deklarate të transmetuar nga televizioni shtetëror iranian, forcat amerikane goditën objektin bërthamor me një numër raketash, në atë që autoritetet iraniane e cilësuan si një “akt agresiv dhe terrorist”, në kundërshtim me ligjin ndërkombëtar.

“Forcat amerikane, në një akt agresiv dhe mizor në kundërshtim me ligjin ndërkombëtar, sulmuan sot centralin bërthamor Darkhovin, i cili është në ndërtim e sipër, me një numër të caktuar raketash”, thuhet në deklaratën e Organizatës së Energjisë Atomike të Iranit.

Xh.K/Shqiptarja.com