Irani edhe një herë ngre tonin e tij dhe premton një përgjigje "brutale" ndaj sulmeve izraelite të javës së kaluar. Të hënën e kaluar, Ayatollah Ali Khamenei i ka dhënë tashmë urdhra Këshillit të Sigurisë Kombëtare të Iranit, që të përgatitet për të sulmuar shtetin hebre, sipas New York Times, duke cituar burime iraniane.
Në frontin e luftës beteja vazhdon në të dyja llogoret. IDF thotë se një breshëri prej 10 raketash u lëshua nga Libani drejt Galilesë së Epërme orët e para të mëngjesit të sotëm (1 Nëntor), disa prej të cilave u kapën dhe pjesa tjetër goditi zona të hapura. Kështu raporton Times of Israel.
Kurse nga anijet izraelite që patrullojnë brigjet e Gazës, u raportua se u hap zjarr në pjesën perëndimore të kampit të refugjatëve Nuseirat, që ndodhet në zonën qendrore të enklavës palestineze. Këtë e bën të ditur Aljazeera.
Avionët luftarakë izraelitë kryen të paktën 10 sulme në Bejrut gjatë natës, pak pasi ushtria izraelite lëshoi urdhra evakuimi për disa lagje në periferi jugore të kryeqytetit libanez. Mediat lokale në Liban raportojnë se dy persona janë vrarë dhe katër janë plagosur pas sulmeve izraelite në lagjen Ain El Remmaneh të Bejrutit, në periferi juglindore të qytetit.
Sulmet izraelite goditën edhe Ghobeiry, al-Kafaat, autostradën Sayyed Hadi dhe kompleksin aty pranë al-Mujtaba, si dhe rrugën e vjetër të aeroportit, shkruan “La Repubblica”.
Edhe Rezistenca Islamike në Irak, një rrjet i lirshëm i grupeve të armatosura pro-iraniane, tha se nisi katër sulme të ndara me dron mbi "objektivat" jetike në jug të Izraelit dhe lartësitë e Golanit të pushtuara nga Izraeli në veri të vendit të premten në mëngjes. Tre sulme me dronë kishin në shënjestër Izraelin jugor dhe një "shënjestër jetike" në lartësitë e Golanit, thanë grupet në postimet në mediat sociale.
Por mes viktimave të regjistruara janë edhe shtetas të huaj. "Katër shtetas tajlandezë u vranë dhe një u plagos nga gjuajtja me raketa pranë kufirit Liban-Izrael." Ministri i Jashtëm i Tajlandës, Maris Sangiampongs, e shkroi këtë në X.
Vetëm ditën e djeshme Hezbollah lëshoi 90 raketa ndaj territoreve izraelite dhe këtë e konfirmoi IDF. "IDF do të vazhdojë të mbrojë shtetin e Izraelit. dhe popullit të saj nga kërcënimi i paraqitur nga organizata terroriste Hezbollah”, thuhet në reagimin e ushtrisë.
Izraeli është në një "nivel të lartë përgatitjeje" dhe gatishmërie, në pritje të një përgjigjeje të mundshme nga Irani, ndaj sulmeve ajrore të 26 tetorit.
Një burim ushtarak i tha CNN se udhëheqësit iranianë kanë kërcënuar se do të ndërmarrin veprime hakmarrëse, pasi Forcat Ajrore izraelite sulmuan bateritë anti-ajrore dhe radarët në të gjithë Iranin, si hakmarrje për një sulm masiv me raketa balistike iraniane në Izrael, më 1 tetor.
Burimi ushtarak i tha medias në fjalë se sulmet e Izraelit "krijuan një dilemë për Teheranin", pasi reduktuan aftësinë e tij për të sulmuar dhe mbrojtur kundër një reagimi izraelit.
Të mërkurën, CNN citoi një burim të rangut të lartë në regjimin Ayatollah, për të raportuar qëllimin e Teheranit për të goditur Izraelin, në një mënyrë "përfundimtare dhe të dhimbshme", duke treguar një datë "përpara ditës së zgjedhjeve presidenciale në Shtetet e Bashkuara".
Lajme të tjera
-
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Lideri i Hezbollah: Do të godasim qendrën e Tel Avivit
20 Nëntor, 16:31 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Provokimi i Netanyahut në plazhin e Gazës: Hamasi s’do qeverisë më kurrë në Rrip, japim 5 mln dollarë për çdo peng të liruar
20 Nëntor, 08:22 -
Netanyahu viziton Rripin e Gazës: Hamasi nuk do të qeverisë më këtu! Baza italiane e UNIFIL në Liban goditet me 8 raketa! Argjentina tërheq trupat e saj
19 Nëntor, 16:38 -
I dërguari i SHBA-së mbërrin në Bejrut, Libani e Hezbollahu pranojnë propozimin për armëpushim
19 Nëntor, 09:16
