Forcat ukrainase denoncojnë edhe një herë përdorimin e municioneve me fosfor nga trupat ruse. Sipas kreut të administratës ushtarake rajonale të Donetskut, Ihor Moroz, rusët sulmuan dje vendbanimin Novoukrainka me municione fosfori.
"Në drejtim të Volnovakha, rusët qëlluan dy herë në Vuhledar dhe goditën Novoukrainka me municion fosfori," shkroi Moroz në një postim në Facebook.
Kievi ka denoncuar vazhdimisht përdorimin e këtyre armëve nga forcat ruse, veçanërisht në betejën për Bakhmut.
Ndërkaq Ukraina thotë se ka rritur prodhimin e dronëve në vitin e fundit pasi Rusia nisi pushtimin. Dyqind kompani kanë nisur prodhimin e dronëve të rinj luftues, tha kryeministri Denys Shmyhal në Kiev. “Tani progresi i dronëve nga zhvillimi i tyre deri te blerja është shumë i shkurtër”, tha Shmyhal.
Ai shtoi se industria ukrainase e mbrojtjes në mënyrë radikale ka ndryshuar qasjen dhe se kompania shtetërore e prodhimit të armëve, Ukroboronprom, është modernizuar.
Kryeministri Denys Shmyhal ka deklaruar se Ukraina ka rritur prodhimin e dronëve në vitin e fundit pasi Rusia nisi pushtimin. Ai shtoi se 200 kompani kanë nisur prodhimin e dronëve të rinj luftues.
“Tani progresi i dronëve nga zhvillimi i tyre deri te blerja është shumë i shkurtër”, tha Shmyhal.
Shmyhal tha se industria ukrainase e mbrojtjes në mënyrë radikale ka ndryshuar qasjen dhe se kompania shtetërore e prodhimit të armëve, Ukroboronprom, është modernizuar. Muajve të fundit, sulmet me dronë në territorin e Rusisë janë shpeshtuar.
Presidenti gjerman Frank Walter Steinmeier tha se Berlini dhe Uashingtoni "janë të vendosur" në mbështetjen për Ukrainën. Ky qëndrim i tij vjen pas një takimi me Presidentin Joe Biden në Shtëpinë e Bardhë.
“Presidenti Biden më siguroi sërish sot në bisedimet që patëm se ne mund të mbështetemi tek Shtetet e Bashkuara. Për këtë arsye ishte e rëndësishme për Presidentin Biden dhe për mua që të dërgojmë këtë sinjal së bashku sot. Ne do të vazhdojmë mbështetjen për Ukrainën në luftën e saj për liri dhe demokraci”, tha Presidenti gjerman.
Ky ishte takimi i parë midis Presidentit Steinmeier dhe homologut të tij amerikan Biden dhe erdhi mes shqetësimeve në rritje për qëndrueshmërinë e mbështetjes perëndimore për luftën e Ukrainës kundër agresionit rus. Presidenti demokrat Biden po përballet me një kundërshtim në rritje nga republikanët e Kongresit ndaj përpjekjeve të tij për të vazhduar ndihmën për Ukrainën, në prag të fillimit të fushatës presidenciale në Shtetet e Bashkuara. Deri më tani, Shtetet e Bashkuara kanë qenë kontribuesi më i madh i ndihmës ushtarake të Perëndimit për Kievin.
Lajme të tjera
-
Lufta/ Rusia kryen sulm masiv ndaj infrastrukturës energjetike të Ukrainës
28 Nëntor, 08:03 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
NATO konfirmon mbështetjen për Ukrainën pas sulmit rus me raketë balistike
26 Nëntor, 20:36 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 16:24 -
E akuzon për spiunazh, Rusia dëbon diplomatin britanik
26 Nëntor, 15:33 -
NATO dhe Ukraina takohen lidhur me raketën e re ruse
26 Nëntor, 08:23 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Bilalli në Report Tv: Rusia mund të godasë me raketa vende që furnizojnë Ukrainën me armë! Cënohet siguria në Europë! Çfarë është raketa Oreshnik
25 Nëntor, 20:27 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Lufta/ Media franceze: Londra dhe Parisi po rishqyrtojnë mundësinë e dërgimit të trupave në Ukrainë
25 Nëntor, 07:59
