Policia e Shtetit është duke zhvilluar një aksion për goditjen e kultivimit dhe trafikun e lëndëve narkotike në qytetin e Vlorës.

Ka qenë zëdhënësi i Policisë së Shtetit, Gent Mullai, i cili nëpërmjet një statusi në faqen e Facebook, ka publikuar pamje nga aksioni, i cili është duke u zhvilluar në Njësinë Administrative Noviselë Vlorë.

Aksioni filloi menjëherë pas paralajmërimit që kryeministri Edi Rama dhe i pari i Policisë Shqiptare, Haki Çako dhanë nga mbledhja e Task- Forcës, për goditjen e çdo rasti të trafikimit të drogës.

Në operacionin që po zhvillohet në qytetin jugorë, janë angazhuar forcat Delta të Drejtorisë Vendore të Policisë Vlorë.

[gallery]23680[/gallery]
Redaksia Online
D.T/Shqiptarja.com