TIRANË- Pas 50 mln eurove nga Bashkimi Europian, Shqipëria ka marrë 4.5 ton pajisje mjekësore nga Turqia. Një lajm i tillë është konfirmuar për Report TV nga TIA (Tirana International Airport).

Ato kanë mbërritur në Shqipëri me avion 'Lasgushi' të linjës ajrore 'Air Albania'. Këto mjete mbrojtëse mjekësore përfshijë maska, doreza, veshje për personelin mjekësor që po lufton në vijën e parë në frontit të luftës me koronavirusin, por edhe aparatura, infrmacion të cilin e ka konfirmuar edhe zv.ministrja Mira Rakacolli. Ajo ka bërë me dije gjithashtu se nga Kina, shteti i cili tashmë e ka fituar betejën me koronavirus, i është kërkuar që të ndihmojë Shqipërinë në eksperiencë njerëzore, duke sjellë mjekë.

 "Ministria e shëndetësisë i ka dërguar një kërkesë zyrtare Kinës nëpërmjet ambasadën në Shqipëri për  të sjellë mjekë me eksperiencë", tha Rakacolli në konferencën e përditshme për mediat.

Turqia është një nga shtete që ka ndihmuar Shqipërinë në betejën me këtë armik të padukshëm, teksa referuar deklaratës së ministrit të Jashtëm, Gent Cakaj në një intervistë për Report Tv tha se kanë kërkuar ndihma nga 3 shtete të fuqishme jashtë BE-së.

Nisja e ndihmave mjekësore nga Turqia