Uashington- Në ditën e dytë të samitit të NATO-s në Uashington sekretari i Përgjithshëm, Jens Stoltenberg, deklaroi se "të gjitha vendet e Aleancës janë në favor të anëtarësimit të Ukrainës, por është shumë herët për të përcaktuar kohën".
Në dokumentin përfundimtar të samitit, pritet që vendet e aleancës ti bëjnë thirrje Kinës që të ndalojë mbështetjen e Rusisë kundër Kievit.
"Rruga e Ukrainës drejt anëtarësimit në NATO është e pakthyeshme" tha presidenti finlandez Alexander Stubb.
Për më tepër, drafti thotë se NATO do të caktojë një përfaqësues special për bregun jugor të Mesdheut dhe ministri i Jashtëm Tajani ka ofruar kandidaturën e Italisë si ndërmjetës. Ndërkohë, Sekretari amerikan i Shtetit Blinken në prang të samitit ka njoftuar se dërgimi në Kiev i avionëve F-16-ve të premtuar nga vendet e NATO-s ka filluar.
"Pikërisht në këtë kohë kur flasim, transferimi i avionëve F16 në Ukrainë nga Danimarka dhe Holanda ka filluar”, tha Sekretari amerikan i shtetit
Presidenti ukrainas Zelensky falënderoo Biden për sistemet e mbrojtjes ajrore Patriot, por paralajmëron: "Na duhen më shumë"
Ndërkohë pritet të ketë një takim dypalësh mes Presidentit të Shteteve të Bashkuara, Joe Biden, dhe kryeministrit të ri britanik Keir Starmer sot para darkës në Uashington me aleatët e tjerë të NATO-s, raportoi CNN. Nesër pritet të takohet me Presidentin Zelenzkky.
SHBA, Gjermania dhe Rumania po dhurojnë njësi shtesë të raketave Patriot, ndërsa Holanda dhe aleatët e tjerë do të dhurojnë komponentë shtesë për një njësi të raketave Patriot. Italia njoftoi muajin e kaluar se po i dërgon Ukrainës një sistem mbrojtës të tipit SAMP/T.
Në një postim në rrjetin social X, Ministri ukrainas i Mbrojtjes Rustem Umerov falënderoi "aleatët" Italinë, SHBA-në, Gjermaninë, Rumaninë dhe Holandën për dhurimin e sistemeve të mbrojtjes ajrore në Kiev.
“Këto sisteme do të ndihmojnë në mbrojtjen e qyteteve tona, civilëve dhe infrastrukturës kritike”, tha ai në një postim në rrjetin social X.
Edhe aleatët e tjerë, përfshirë Kanadanë, Norvegjinë, Spanjën dhe Mbretërinë e Bashkuar do të ofrojnë sisteme të tjera që synojnë përmirësimin e mbrojtjes së Ukrainës.
Nga ana e tij Presidenti Joe Biden gjatë fjalimit që mbajti mbrëmjen e djeshme para udhëheqësve të vendeve të NATO-s vuri në pah unitetin e aleancës kundër agresionit rus në Ukrainë dhe nënvizuar angazhimin e hekurt të Shteteve të Bashkuara ndaj aleancës.
Në takimin e NATO-s në Uashington marrin pjesë udhëheqësit e 32 vendeve anëtare të aleancës dhe partnere të Paqësorit, Australia, Japonia, Zelanda e Re dhe Koreja e Jugut, si dhe Ukraina. Të pranishëm është dhe kryeministri Edi Rama dhe presidentja e Kosovës, Vjosa Osmani.
Lajme të tjera
-
Gjermania refuzon sërish thirrjet për të dërguar aeroplanë luftarakë në Ukrainë
15 Korrik, 16:40 -
Lufta në Ukrainë/ Kina dhe Rusia, stërvitje të përbashkëta detare
15 Korrik, 09:27 -
NATO mbyll takimin në Uashington me garanci sigurie për Ukrainën
13 Korrik, 18:22 -
Lufta në Ukrainë/ Zelensky javën tjetër në Britani në takimin e liderëve europianë! Avionët F-16 këtë verë në Kiev
13 Korrik, 08:28 -
Zbulohen komplote të Rusisë për atentate në Evropë kundër mbështetësve të Ukrainës, thotë një zyrtar
13 Korrik, 07:59 -
Zbulohen komplote të Rusisë për atentate në Evropë kundër mbështetësve të Ukrainës sipas agjencive perëndimore të inteligjencës
12 Korrik, 21:28 -
Hasani krah Blinkenit në Uashington: Faleminderit për Samitin historik të NATO-s
12 Korrik, 21:21 -
Rusia shton trysninë ndaj NATO-s në përmbyllje të takimit të aleancës në SHBA
12 Korrik, 19:53 -
Finlanda miraton ligjin për bllokimin e emigrantëve nga Rusia
12 Korrik, 17:20 -
Rusia fut Yulia Navalnayan në listën e 'terroristëve dhe ekstremistëve'
11 Korrik, 23:06 -
Zelensky u kërkon vendeve të NATO-s t’i heqin kufizimet se si Ukraina mund ta sulmojë Rusinë
11 Korrik, 23:02 -
Lufta Ukrainë-Rusi/ Kremlini: Nga NATO ka një kërcënim serioz për sigurinë ruse, infrastrukturat ushtarake të Aleancës pranë kufijve tanë! Ne do të përgjigjemi
11 Korrik, 12:26
