Lufta në Ukrainë/ Bakhmut, bastioni ukrainas në Donetsk i izoluar! Zelensky pritet të marrë pjesë në samitin e BE

Evgheny Prigozhin sfidon Volodymir Zelensky në një duel ajror. Kreu i Wagner ka publikuar një video nga kabina e një avioni ushtarak ku thotë se nesër do të jetë në bordin e një Mig-29. 

“Nëse do, do ta takoj në lartësi të madhe”, shtoi ai, duke specifikuar se nëse presidenti ukrainas fiton duelin, ai do t'ua lërë ukrainasve rajonin e Bakhmut.

Por nëse Zelensky nuk fiton atëherë forcat ruse do të përparojnë në lumin Dnipro.

Presidenti ukrainas Volodymyr Zelensky mund të mbërrijë në Bruksel të enjten e ardhshme për të marrë pjesë personalisht në samitin e liderëve të BE-së dhe në një seancë të jashtëzakonshme të seancës plenare të Parlamentit Evropian.

Vizita e liderit ukrainas, e dyti jashtë vendit dhe e para në një vend të BE-së që nga fillimi i pushtimit rus, nuk është konfirmuar zyrtarisht për arsye sigurie, por tani merret si i mirëqenë duke përjashtuar ngjarje të paparashikuara.

Kievi ka formuluar një listë kërkesash për Izraelin që ai dëshiron të plotësohet përpara vizitës së ministrit të jashtëm Eli Cohen në Ukrainë, pritet këtë javë. Pikat kryesore në listë përfshijnë një denoncim publik të pushtimit rus, zhvillimin e teknologjisë kundër raketave dhe qindra miliona dollarë kredi. 

Kërkesat rrezikojnë të vënë në vështirësi qeverinë izraelite, e cila deri më tani ka pasur gradualisht një zhvendosje më të theksuar drejt Kievit, megjithatë, pa u shkëputur plotësisht me Kremlinin për shkak të pranisë së një komuniteti të madh hebre në Federatën ruse dhe bashkëpunimit me Moskën gjatë sulmeve ajrore në Siri. Qeveria e re e Benjamin Netanyahut vazhdoi të refuzonte armët në Kiev, por Cohen pritet të vizitojë kryeqytetin ukrainas këtë javë për rihapjen e ambasadës izraelite.

Presidenti ukrainas Zelensky mund të zhvillojë një vizitë në Bruksel në javën e ardhshme. Kjo do të jetë vizita e dytë e presidentit ukrainas jashtë vendit që nga fillimi i pushtimit rus pothuajse një vit më parë dhe vjen menjëherë pas një samiti të nivelit të lartë dhe simbolik të BE-së dhe Ukrainës.

Presidenti Zelensky do të flasë në një seancë të posaçme të Parlamentit Europian. Ai ka dashur të udhëtojë edhe më parë drejt Brukselit, por kjo ka qenë e pamundur për shkak të rreziqeve të mëdha dhe ende nuk është e konfirmuar vizita e tij.

Një lajm i ri vjen nga presidenti ukrainas përsa i  përket ndryshimeve për ligjin ushtarak.

 Presidenti Volodymyr Zelensky prezantoi në Verkhovna Rada, parlamentin ukrainas, dekretet për të zgjatur ligjin ushtarak dhe mobilizimin e përgjithshëm për 90 ditë të tjera, të cilat do të përfundonin më 19 shkurt.

Ditën e djeshme u dha lajmërimi që do ndërrohej ministri i Mbrojtjes, tashmë është dhënë një lajm i ri i cili thptë se nuk do ndryshohet ende për momentin. Nuk do të ketë ndryshime në udhëheqjen e lartë të Ministrisë së Mbrojtjes të Ukrainës këtë javë. Kështu deklaroi në kanalin e tij Telegram, David Arakhamia. Sipas Arakhamia, megjithatë, këtë javë do të emërohet ministri i ri i brendshëm dhe kreu i ri i SBU, shërbimet e inteligjencës së Kievit. Dje vetë Arakhamia tha se kreu i inteligjencës ushtarake Kyrylo Budanov do të emërohej si ministër i ri i mbrojtjes për të zëvendësuar Oleksiy Reznikov.

Forcat ruse nuk ndalen dhe janë bërë më agresive kundër Ukrainës pas mbështetjes që ky popull ka marrë nga vendet perëndimore. Një dron ka shpërthyer mëngjesin e sotëm pranë Kaluga, një qytet rus rreth 180 kilometra në jugperëndim të Moskës. Guvernatori,  Vladislav Shapsha, e ka konfirmuar këtë në kanalin e tij Telegram. 

Avioni, saktësoi Shapsha shpërtheu në një lartësi prej 50 metrash në orën 5 të mëngjesit (03:00 me orën italiane) në një pyll afër qytetit, pa shkaktuar asnjë të vdekur apo plagosur.

Zëvendësministri i Jashtëm i Rusisë, Sergei Ryabkov, tha se ka diskutuar për traktatin e kontrollit të armëve bërthamore, me ambasadoren e re të Shteteve të Bashkuara, Lynne Tracy.

Ai tha diskutimi për traktatin New START është zhvilluar javën e kaluar, raportoi agjencia e lajmeve ruse, interax.

Ryabkov shtoi se Rusia është e përkushtuar ndaj traktatit, por nuk dha asnjë datë se kur mund të mbahet rundi i ri i bisedimeve, duke u thirrur në konfliktin në Ukrainë.

Bisedimet midis Moskës dhe Uashingtonit për traktatin New START ishin paraparë që të mbaheshin nëntorin e kaluar, por u pezulluan në momentin e fundit.

Shtetet e Bashkuara më herët kanë akuzuar Rusinë se po e shkel traktatin, duke mos lejuar që të kryhen inspektime në territorin rus.

Traktati New START, që hyri në fuqi më 2011, kufizon numrin e kokave strategjike bërthamore që SHBA-ja dhe Rusia mund të dislokojnë, dhe po ashtu kufizon dislokimin e raketave tokësore dhe atyre të vendosura në nëndetëse.

Presidenti ukrainas Volodymyr Zelenskiy ka reaguar nëpërmjet një postimi në Tëitter për tërmetin e tmerrshëm 7.9 ballë që ka goditur kufirin mes Turqisë jugore dhe Sirisë duke shkaktuar më shumë se 600 viktima dhe mbi 3000 të plagosur. Ai siguron Turqinë për mbështetjen e nevojshme në këto raste të nevojshme dhe shpreh ngushëllimet për familjarët e 500 viktimave. 

Ai siguron se vendi i tij është i gatshëm të ofrojë çdo ndihmë për popullin "mik" turk.

 Zelensky, duke thënë se ishte i tronditur nga lajmi i tërmetit, i ofroi ngushëllimet e tij presidentit turk Rexhep Tajip dhe familjeve të viktimave: "Ne jemi pranë popullit mik turk tani dhe të gatshëm për të japë çdo ndihmë të nevojshme”.

Që nga fillimi i luftës në Ukrainë, Turqia ka luajtur një rol të rëndësishëm ndërmjetësues midis Moskës dhe Kievit.