Një sulm me dronë rus goditi Kharkivin mbrëmjen e djeshme duke shkaktuar 4 viktima, 3 prej të cilëve ishin prej ekipit shpëtues. Guvernatori rajonal i Kharkiv, Oleh Synehubov tha se 3 personat e ekipit shpëtues humbën jetën sapo arritën në vendin e sulmit. Në total, 4 sulme goditën qytetin ukrainas mbrëmjen e djeshme.
Janë dëmtuar katet e fundit të një pallati dhe të paktën 5 persona kanë mbetur të plagosur. Sakaq, mbrojtja ajrore ruse, raportoi sipas Ria Novosti, se ka rrëzuar 5 dronë ukrainas mbi rajonet Belgorod dhe Tula gjatë natës.
Lufta ka hyrë në një fazë të nxehtë, teksa sekretari i përgjithshëm i NATO-s, Stoltenberg paralajmëroi se Kievit i duhen më shumë trupa dhe burime të qëndrueshme.
Pamja ushtarake ukrainase është e zymtë, pasi ekziston një rrezik i madh që linjat e frontit të shemben kudo dhe gjeneralët rusë të vendosin të përqëndrojnë ofensivën e tyre.
Ditën e djeshme pati një bisedë telefonike mes ministrit të mbrojtjes franceze dhe atij rus që ishte i pari që prej tetorit të vitit 2022. Megjithatë Parisi zyrtar ka mohuar të ketë diskutuar me Moskën mundësinë e një dialogu për Ukrainën.
Sergei Shoigu
Ministri rus i Mbrojtjes paralajmëroi homologun e tij francez kundër vendosjes së trupave në Ukrainë, në një telefonatë tw mërkurën qw lamw pas, raporton Associated Press.
Sergei Shoigu i tha ministrit francez të Mbrojtjes Sébastien Lecornu se nëse Parisi ndjek deklaratat e tij për mundësinë e dërgimit të një kontigjenti ushtarak francez në Ukrainë "kjo do të krijojë probleme për vetë Francën", sipas një deklarate nga ministria ruse e mbrojtjes.
Presidenti francez Emmanuel Macron tha në shkurt se mundësia e dërgimit të trupave perëndimore në Ukrainë nuk mund të përjashtohet
Zyrtarët francezë që atëherë kanë sqaruar se sugjerimi kishte të bënte me përdorimin e trupave për stërvitje dhe operacione të tjera larg vijave të frontit.
Presidenti francez Emmanuel Macron i ka quajtur qesharake pretendimet e ministrit rus të Mbrojtjes Sergey Shoigu se Ukraina dhe Franca mund të kenë luajtur një rol në sulmin e muajit të kaluar në sallën e koncerteve ‘Crocus Hall’ në Moskë.
Fjalët e Macron erdhën një ditë pas një telefonate midis ministrave të Mbrojtjes së Francës dhe Rusisë, e cila çoi në deklarata divergjente nga të dyja palët.
Njëra deklaratë e ministrisë ruse të Mbrojtjes thoshte se Shoigu i tha homologut të tij francez Sebastien Lecornu në lidhje me sulmin në Moskë, se ‘regjimi i Kievit nuk bën asgjë pa miratimin e udhëheqësve të tij perëndimor’ dhe ‘shpresojmë që shërbimet speciale franceze të mos jenë të përfshira’.
‘Ukraina do të bëhet anëtare e NATO-s. Qëllimi ynë në samit është të ndihmojmë në ndërtimin e një ure drejt këtij anëtarësimi’.
Kështu u shpreh sekretari amerikan i shtetit, Anthony Blinken drejtuar gazetarëve në Bruksel, teksa po ndjek punimet e ministerialit të NATO-s me rastin e 75-vjetorit të krijimit të Aleancës .
Blinken shtoi se mbështetja ndaj Kievit prej shteteve të Aleancës është ‘e fortë’.
Lajme të tjera
-
Orban paralajmëron: Nëse Trump fiton zgjedhjet në Amerikë, Evropa duhet të rimendojë ndihmën për Ukrainën
3 Nëntor, 16:01 -
Rusia dënon me mbi 4 vjet burg ish punonjësin e konsullatës amerikane
2 Nëntor, 20:55 -
Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 16:12 -
Rusia gjobit 'Google' me shifrën marramendëse, më e lartë se GDP-ja e të gjithë botës, 110 trilionë dollarë
2 Nëntor, 08:31 -
Lufta në Ukrainë/ Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 08:11 -
Vdes edhe një i burgosur politik në Bjellorusi
1 Nëntor, 22:56 -
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
Lufta në Ukrainë/ Koreja e Veriut: Do të qëndrojmë pranë Moskës deri në fitoren kundër Kievit
1 Nëntor, 17:55 -
Gjykata ruse e dënon me gati 5 vjet burgim ish-punëtorin e konsullatës amerikane
1 Nëntor, 10:26 -
Rusi/ 10 mijë ushtarë koreano-veriorë gati kundër Ukrainës
1 Nëntor, 10:06 -
Trupat e Koresë së Veriut në Rusi, Blinken: Putin i dëshpëruar
1 Nëntor, 09:20 -
Ambasadori rus në OKB: Serbia do kërkojë kthimin e 1 mijë ushtarëve të saj në Kosovë, e mbështesim
31 Tetor, 21:33
