Lufta/ Shefi i Wagner kundër liderëve rusë: Më 10 maj largohemi nga Bakhmuti! Asnjë koment nga Kremlini

Shtetet e Bashkuara të Amerikës kanë deklaruar se që prej 1 majit, Rusia ka nisur më shumë se 145 sulme ajrore në të gjithë Ukrainën.

"Që nga 1 maji, Rusia ka nisur më shumë se 145 sulme ajrore në të gjithë Ukrainën. Kjo do të thotë se Rusia ka lëshuar më shumë se një raketë, dron ose bombë çdo orë, 24 orë në ditë për katër ditë rresht." 

Kështu deklaroi Vedant Patel , zëvendës zëdhënësi kryesor i departamentit të shtetit në konferencën e fundit ditore. 

"Shtetet e Bashkuara kurrë nuk do t'i heqin sytë nga ajo që po ndodh në Ukrainë thotë ai dhe nga sulmet brutale të Rusisë ndaj infrastrukturës civile". 

Ushtria ruse bombarduar zonën e njohur si Avdiivka duke goditur dy ndërtesa banimi në rajonin e Donetsk. Për pasojë një grua ndërroi jetë. Ndërsa një burrë dhe një grua kanë mbetur nën rrënoja. Trupat ruse po kryejnë sulme të tjera në këtë zonë të qytetit.

Në qytetin që po sulmohet nga rusët, më shumë se 1700 njerëz kanë mbetur të ngujuar, përfshirë edhe një fëmijë i cili po mbahet i fshehur nga prindërit e tij dhe nuk është evakuuar dhe të gjithë të miturit të tjerë janë marrë nga autoritetet ukrainase.

Themeluesi i Wagner, Yevgeny Prigozhin , akuzoi Shtabin e Përgjithshëm të Moskës se ishte përgjegjës për "dhjetëra mijëra të vdekur dhe të plagosur" rusë në Ukrainë. 

"Ata do të marrin përgjegjësinë për dhjetëra mijëra të vdekur dhe të plagosur para nënave dhe fëmijëve të tyre," tha kreu i grupit mercenar në një video të re, disa orë pasi kërcënoi se do të tërhiqte njerëzit e tij nga 10 maji. Bakhmut, për shkak të mungesës të municionit të furnizuar nga ushtria.

Grupit famëkeq mercenar Wagner i është bashkuar në pozicionin e zëvendëskomandantit Ish-zëvendësministri i mbrojtjes i Rusisë.Dy video të paraqitura nga korrespondenti i luftës, Alexander Simonov në Telegram tregojnë gjeneralkolonelin, Mikhail Mizintsev të veshur me veshje luftarake të markës Wagner ndërsa viziton një kamp stërvitor dhe pozicionet ruse në qytetin lindor të Ukrainës, Bakhmut.

Muajin e kaluar, shërbimi i shtypit i themeluesit të Wagnerit, Yevgeny Prigozhin njoftoi se ish-zyrtari shtetëror pritet të angazhohet në grupin famëkeq rus pasi u shkarkua nga Ministria e Mbrojtjes.  Mizintsev, i cili orkestroi rrethimin e qytetit ukrainas të Mariupolit në muajt e parë të luftës, ishte emëruar zëvendësministër i mbrojtjes dhe ishte përgjegjës për logjistikën dhe furnizimin me armë të ushtrisë ruse

Yevgeny Prigozhin ka lëshuar një sërë deklaratash të zemëruara drejtuar qeverisë ruse në muajt e fundit

Udhëheqësi i Grupit Wagner të Rusisë ka kërcënuar se do të tërheqë trupat e tij nga qyteti ukrainas i Bakhmut deri të mërkurën, në mosmarrëveshje për municione.

Deklarata e tij erdhi pasi ai postoi një video në mediat sociale duke ecur mes trupave të luftëtarëve të vdekur, duke i kërkuar ministrit të mbrojtjes të Rusisë për më shumë furnizime.

"Ata po vdesin që të mund të luani në kabinetet tuaja me dru kuq," tha ai teksa iu drejtua qeverisë.

Trupat e tij do të largohen më 10 maj.

Ish presidenti amerikan Bill Clinton ka folur për luftën në Ukrainë ku ka pramuar që në vitin 2011 se ishte thjesht "çështje kohe" para se Vladimir Putin të sulmonte Ukrainën .

Bill Clinton tha se ai e kuptoi në vitin 2011 se ishte “vetëm çështje kohe” përpara se Vladimir Putin të lëvizte në Ukrainë pas një diskutimi rrëqethës me presidentin rus në Davos, Zvicër.

Gjatë atij takimi, tha Clinton, Putini hodhi poshtë një marrëveshje të ndërmjetësuar nga SHBA, të rënë dakord nga paraardhësi i tij, Boris Yeltsin, për të respektuar territorin e Ukrainës në këmbim të heqjes dorë nga Kievi nga arsenali i tij bërthamor i epokës sovjetike.

“Vladimir Putin më tha në vitin 2011 – tre vjet para se të merrte Krimenë – se ai nuk ishte dakord me marrëveshjen që bëra me Boris Yeltsin”, kujtoi ish-presidenti amerikan. “Ai tha. . . 'Unë nuk jam dakord me të. Dhe unë nuk e mbështes. Dhe unë nuk jam i detyruar prej saj.' Dhe e dija që nga ajo ditë e tutje se ishte thjesht çështje kohe.”

Në të njëjtin artikull, Hillary Clinton foli se si lufta mund të përfundojë:

Për t'i dhënë fund armiqësive, argumentoi Hillary Clinton, Ukraina ose duhet të mund Rusinë ose të paktën të rifitojë territorin e humbur në lindje që nga pushtimi i Rusisë vitin e kaluar. "Ata kanë nevojë për levë," tha ajo. "Unë nuk do t'i besoja atij [Putinit] në një tryezë bisedimesh në asnjë rrethanë, përveç nëse ukrainasit – të mbështetur nga ne – kanë fuqi të mjaftueshme