Lufta në Ukrainë, Rama për Erdogan: Presidenti turk nuk e ka çelësin magjik për zgjidhjen e konfliktit, duhet shtruar në tryezë politike

Teksa vazhdon pushtimin e paprovokuar në Ukrainë, Rusia e gjen veten duke u përballur me një izolim ndërkombëtar në rritje, përfshirë edhe zgjerimin e listës së sanksioneve.

Për pos ndihmave që kanë dhënë për Ukrainën, shumë shtete kanë dënuar luftën në territoret e kësaj të fundit, duke u munduar për të gjetur një zgjidhje për t’i dhënë fund luftës, ku ndër nismëtarët për negociata dhe paqe, ishte Presidenti Turk Rexhep Tajip Erdogan.

Sakaq, kjo temë e nxehtë nuk mund të anashkolohej nga kryeministri Edi Rama, teksa foli për mediat italiane.

Si “mik i Erdogan”, Rama tha se presidenti turk nuk e ka çelësin magjik për zgjidhjen e konfliktit në Ukrainë.

“Ai  ka një rol shumë të rëndësishëm për stabilitetin dhe sigurinë e Evropës dhe është një bashkëbisedues i aftë midis Ukrainës dhe Rusisë. Por nuk mendoj se ka çelësin magjik për të ndryshuar një vizion imperialist, antidemokratik dhe shovinist si ai i Putin-it. Të gjitha luftërat përfundojnë në tryezën politike, por fatkeqësisht do të duhet ende shumë kohë”, tha Rama për La Stampa-n.

Lajmi kryesor:

Sezoni turistik, Rama për 'La Stampa': Kjo verë ka qenë përtej pritshmërive, kemi 35% më shumë turistë se një vit më parë

M.T/Shqiptarja.com

TAG:
• edi rama
• la stampa
• sezoni turistik
• turiste