Bashkimi Evropian, me kërkesë të Kievit zyrtar po shqyrton mundësinë për trajnimin e ushtarëve ukrainas. Politico njofton se në një dokument të bllokut, theksohet se kërkesa e Ukrainës duhet të analizohet mirë për të parashikuar rreziqet dhe përfitimet, pasi trajnimi është kërkuar të bëhet në tokën ukrainase.
“Do të ishte e nevojshme një analizë më e thellë dhe gjithëpërfshirëse për të vlerësuar plotësisht rreziqet dhe masat e mundshme zbutëse, si dhe avantazhet politike dhe operacionale të kryerjes së trajnimit në tokën ukrainase,-thuhet në dokument.
Për më tepër, thuhet se presidenti francez Emmanuel Macron është i hapur ndaj idesë së trajnimit të trupave në Ukrainë, por vende si Gjermania, kanë frikë se kjo mund të rrisë tensionet me Rusinë dhe të rrezikojë jetën e instruktorëve perëndimorë.
Presidenti ukrainas Volodymyr Zelesnky tha se situata është shumë e vështirë në Pokrovsk në rahonin e Donjeckut.
“Ne vazhdojmë të rrisim territorin nën kontrollin tonë në disa zona pranë kufirit me Ukrainën. Ne po punojmë gjithashtu me partnerët tanë për furnizimet për frontin: jo vetëm armë, jo vetëm plumba, por edhe fuqinë e unitetit me partnerët tanë”, tha Zelensky në fjalimin e tij të mbërmjes.
Shefi i NATO-s në detyrë Jens Stoltenberg deklaroi se aleatët do të intensifikojnë mbështetjen për Kievin.
"Ne duhet të vazhdojmë t'i ofrojmë Ukrainës pajisjet dhe municionet që i nevojiten për t'u mbrojtur nga pushtimi rus. Kjo është kritike për aftësinë e Ukrainës për të qëndruar në luftë," deklaroi Sekretari i Përgjithshëm i NATO-s, Jens Stoltenberg , i cili sot kryesoi takimin e Këshillit NATO-Ukrainë.
Sa i përket inkursionit ukrainas në rajonin Kursk të Rusisë, Moska zyrtare deklaron se ushtarë të gardës së saj kombëtare çaktivizuan një bombë thërrmuese ukrainase të zbuluar pranë termocentralit bërthamor Kursk, një kohë që Agjencia Ndërkombëtare e Energjisë Atomike, paralajmëroi rrezikun e një shpërthimi bërthamor për shkak të luftës që po zhvillohet pranë termocentralit.
Ukraina ka marrë vendimin për të mos zgjatur kontratën ekzistuese me Gazprom për furnizimin me gaz rus të evropianëve, që kalon përmes Ukrainës. Përpos kësaj, presidenti Volodymyr Zelenskyy është shprehur se nga muajin e ardhshëm do t’i dorëzojë presidentit amerikan Joe Biden planin për gjunjëzimin e Mokës dhe shfarosjen e agresionit rus një herë e mirë.
Ministria e Jashtme e Rusisë tha më 28 gusht se ka shtuar edhe 92 qytetarë amerikanë në listën e saj të sanksioneve.
Në mesin e personave që u shtuan në listën e sanksioneve janë edhe gazetarë të The Wall Street Journal, The Washington Post dhe The New York Times.
Ministria e Jashtme ruse tha se ky vendim është në përgjigje të atyre që i cilësoi si “politika rusofobe” të Uashingtonit dhe sanksionimit të politikanëve rusë, biznesmenëve, studiuesve dhe gazetarëve, pasi Moska nisi pushtimin në shkallë të plotë të Ukrainës në shkurt të vitit 2022.
Numri i përgjithshëm i amerikanëve që janë në listën e sanksioneve të Rusisë tani ka arritur në 2.078.
Lajme të tjera
-
Zbulohen profecitë e Baba Vangës për vitin 2025: Alienët me apokalips, ilaçi kundër kancerit dhe nanoteknologjia! Çfarë u realizuan dhe çfarë jo më 2024
25 Dhjetor, 17:38 -
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38
