Lufta në Ukrainë/ Moska vendosi Zelenskyn në listën e të kërkuarve! Ministria e Jashtme ukrainase: Putin të kujtojë se Gjykata e Hagës ka lëshuar urdhër-arresti për të

Ministria e Jashtme e Ukrainës ka reaguar në lidhje me vendimin e Rusisë për të përfshirë në listën e të shpallurve në kërkim presidentin Volodymyr Zelensky.

Ministria ukrainase deklaron se presidenti rus Vladimir Putin është vetë subjekt arrestim bazuar në një urdhër-arresti të Gjykatës Penale Ndërkombëtare.

"Dëshirojmë t'u kujtojmë se ndryshe nga njoftimet e pavlera ruse, një urdhër i Gjykatës Penale Ndërkombëtare për arrestimin e diktatorit rus Vladimir Putin nën dyshimet për krime lufte është mëse i vërtetë real dhe i nënshtrohet zbatimit në 123 vende (të botës)",- thuhej në deklaratë.

Kievi tha se njoftimi rus ishte "dëshmi e dëshpërimit të makinës shtetërore ruse dhe propagandës së saj, që nuk mund të mendojë ndonjë mënyrë tjetër për të tërhequr vëmendjen".

Prej fillimit të sulmit ndaj Ukrainës në shkurt të vitit 2022, Rusia ka lëshuar urdhër-arreste për një numër politikanësh si ukrainas ashtu edhe evropianë.

Moska lëshoi gjithashtu një urdhër arresti për prokurorin e Gjykatës Penale Ndërkombëtare, i cili vitin e kaluar përgatiti fletarrestin për Presidentin rus Putin, nën dyshimet për krime lufte.

Petro Poroshenko

Përveç presidentit Volodymyr Zelensky, ministria e Brendshme ruse ka vendosur në listën e të kërkuarve edhe ish-presidentin ukrainas Petro Porshenko, bën me dije agjencia mediatike “Ria Novosti”.

Ministria e Punëve të Brendshme të Rusisë ka vendosur në listën e të kërkuarve, presidentin ukrainas Volodymyr Zelensky.

Sipas Ria Novosti, Zelensky është vënë në listën e të kërkuarve të Moskës sipas një neni të kodit penal.

Vepra për të cilën ai është në kërkim nuk është bërë ende e ditur.

Gjithashtu në listën e të kërkuarve të ministrisë së brendshme të Rusisë, është dhe ish-presidenti ukrainas Petro Porshenko, por edhe për të nuk janë bërë të ditura akuzat formale.

 Presidenti ukrainas ka shkruar në platformën X se vendimet në kohë dhe adekuate për mbrojtjen ajrore të Ukrainës si dhe furnizimet e armëve për ushtarët, është ajo që duhet tani për të mbrojtur jetët njerëzore.

"Vetëm këtë javë, terroristët kanë kryer më shumë se 380 sulme në qytetet dhe rajonet tona, vazhdon Zelensky, duke përmendur rajonet e Kharkiv, Chernihiv, Sumy, Donetsk, Zaporizhzhia, Mykolaiv, Kherson dhe Odessa. Dhe kjo ndodh çdo javë të kësaj lufte".

Terrori i përditshëm dhe i qëllimshëm rus kundër njerëzve, qyteteve dhe fshatrave  mund të ndalet. Partnerët tanë kanë të gjitha sistemet dhe armët e nevojshme në mënyrë që Ukraina të mund të mbrojë jetën.

 Jam mirënjohës të gjithë liderëve dhe shteteve që kuptojnë se dorëzimi i shpejtë dhe zbatimi i plotë i marrëveshjeve është ajo që mbron jo vetëm ukrainasit, por edhe çdo komb që mund të jetë në shënjestër të terrorizmit rus”, përfundon ai.