Kryeministri izraelit Benjamin Netanyahu, gjatë një takimi të kabinetit me ministrat e qeverisë, deklaroi se nuk do ta fuste në votim versionin e fundit të marrëveshjes së armëpushimit të ndërmjetësuar nga SHBA-të me Libanin, derisa Hezbollahu të pranonte kushtet e saj.

Lajmin e raportoi Ynet, sipas të cilës ministrat, duke kritikuar armëpushimin e brishtë, kërkuan që ai të paraqitej në votim në kabinet.

Megjithatë, Netanyahu refuzoi të thërriste një votim, duke u thënë ministrave se "nuk ka marrëveshje për momentin" sepse Hezbollahu refuzoi të pranonte kushtet. "Hezbollahu është kundër kësaj, kështu që unë nuk do të marr një vendim", tha ai.

Ndërkohë CNN raporton se gjatë luftës me Iranin, Izraeli vendosi fshehurazi njësi elitare ushtarake dhe inteligjence në Azerbajxhan, si pjesë e një rrjeti vendesh klandestine në të gjithë Lindjen e Mesme për të lehtësuar operacionet kundër regjimit të Ajatollahëve.

Sipas dy burimeve, forcat vepronin nga disa vende në Azerbajxhanin jugor, ngjitur me kufirin verior me Iranin dhe, në pikën e tyre më të afërt, vetëm rreth 60 milje nga qyteti iranian i Tabrizit, të cilin Izraeli e kishte goditur gjatë luftës.

Sipas dy burimeve të tjera, njësi speciale komando u vendosën në zonë për të kryer misione mbledhjeje inteligjence dhe operacione me dronë, duke i siguruar Izraelit një pikë strategjike për të monitoruar Iranin verior gjatë luftës. 

Vendosja sekrete në Azerbajxhan, e raportuar për herë të parë nga CNN, është një nga disa pozicione ushtarake që Izraeli mbante në të gjithë Lindjen e Mesme. Vendndodhjet në Azerbajxhan janë midis vendeve dhe bazave të shumta ushtarake klandestine në disa vende, duke përfshirë Irakun, Emiratet e Bashkuara Arabe dhe Somalilandin.

Forcat, të konceptuara fillimisht si ekipe të mundshme ndihme emergjente, e kanë zgjeruar fushëveprimin e tyre për të përfshirë poste ushtarake dhe të mbledhjes së inteligjencës.

Rendit zhvillimet sipas orarit:
Ora 17:11
Presidenti libanez: Irani po na përdor në negociatat me Trumpin

1780672378_TrumpKhamenei.JPG

Presidenti libanez Joseph Aoun kritikoi ndërhyrjen e Iranit në Liban dhe përpjekjen e Teheranit për ta përdorur vendin në negociatat me Shtetet e Bashkuara.

Në një intervistë me CNN, Aoun deklaroi se populli libanez është "i lodhur" nga lufta midis Izraelit dhe Hezbollahut, milicisë paraushtarake të mbështetur nga Irani. Duke iu drejtuar Iranit, Aoun deklaroi: "Ju nuk po përpiqeni të na ndihmoni. Populli libanez po paguan çmimin për fitimin tuaj. Interesat tona nuk përkojnë me tuajat".

Në intervistë, Aoun sulmoi gjithashtu Gardat Revolucionare Iraniane (IRGs) të cilat kanë bërë thirrje për tërheqjen e Izraelit nga Libani si pjesë e marrëveshjes së armëpushimit midis Shteteve të Bashkuara dhe Iranit.

"Nuk është vendi juaj, është vendi ynë", tha ai. Aoun tha se IRGC "po përdor Libanin si një ‘monedhë negociuese’ në negociatat me Shtetet e Bashkuara. Kjo është e papranueshme".

R.Xh/Shqiptarja.com

Ora 15:46
Kryeministri libanez: Irani duhet të ndalojë së na përdorur si mjet negociues

1780243019_liban.jpg

Kryeministri libanez, Nawaf Salam, i kërkoi Iranit sot që të ndalojë së trajtuari vendin e tij si një mjet negociues në negociatat me Shtetet e Bashkuara.

 "Nëse mund t'i drejtohem një fjalë Iranit, ajo është kjo: ki mëshirë për jugun tonë, ndalo së trajtuari atë dhe popullin e tij si mjete negociuese për të përmirësuar kushtet e negociatave tuaja", tha Salam në një konferencë për shtyp.

Xh.K/Shqiptarja.com

Ora 15:26
Teherani: Marina iraniane detyroi anijet amerikane të largoheshin nga Gjiri i Omanit

1778361627_ngushticaehormuzit.png

Teherani ka njoftuar se marina e Iranit detyroi anijet amerikane që të largoheshin nga Gjiri i Omanit.

Lajmin e bëri të ditur agjencia gjysmë-zyrtare iraniane e lajmeve Tasnim, e cila është e lidhur me Gardën Revolucionare të vendit.

“Marina iraniane, duke qëlluar raketa paralajmëruese dhe dronë, i detyroi shkatërruesit dhe transportuesit e avionëve amerikanë të largoheshin nga Gjiri i Omanit drejt Oqeanit Indian", sipas agjencisë gjysmëzyrtare iraniane të lajmeve Tasnim, e cila është e lidhur me Gardën Revolucionare.

Televizioni iranian transmetoi pamje që pretendon se përshkruajnë momentin kur u qëlluan të shtënat paralajmëruese.

Imazhet tregojnë momentin kur u lëshua droni. Sipas deklaratës së ushtrisë iraniane, të shtënat paralajmëruese u qëlluan "si pjesë e operacioneve të kryera nga Marina e Shteteve të Bashkuara për të luftuar aktet e vandalizmit dhe ngacmimit në det, si dhe rrëmbimin e anijeve tregtare dhe cisternave të naftës".

R.Xh/Shqiptarja.com