Pentagoni ka paralajmëruar Kongresin se fondet për zëvendësimin e armëve që Shtetet e Bashkuara i kanë dërguar Ukrainës po mbarojnë, duke thënë se Mbrojtja tashmë është detyruar të ngadalësojë furnizimet me pajisje për disa departamente.
Kjo është ajo që lexojmë në një letër, të parë nga Associated Press, dërguar udhëheqësve të kongresit. Letra, dërguar nga nënsekretari i mbrojtjes, Michael McCord, drejtuesve të Dhomës dhe Senatit, thekson se vetëm 1.6 miliardë dollarë mbeten në dispozicion nga 25.9 miliardë që Kongresi i ka vënë në dispozicion Pentagonit për të rivendosur furnizimet me armatime dhe materiale të dërguara në Ukrainë. Përveç kësaj, Pentagoni ka ende 5.4 miliardë dollarë armë dhe pajisje nga arsenalet e tij në dispozicion për të ndihmuar Kievin.
Por lidhur me këtë paralajmërim të Pentagonit, Presidenti i SHBA-ve, Joe Biden ka thënë se mbështetja financiare për Ukrainën nuk duhet të ndalet.
"Ne në asnjë rrethanë nuk mund të lejojmë që mbështetja amerikane për Ukrainën të ndërpritet. Shumë jetë, shumë fëmijë dhe shumë njerëz janë në rrezik. Unë pres plotësisht që Kryetari i Dhomës dhe shumica e republikanëve në Kongres të ruajnë angazhimin e tyre për të siguruar kalimin e mbështetjes së nevojshme për të ndihmuar Ukrainën të mbrohet nga agresioni dhe brutaliteti rus," shtoi ai, duke kujtuar se SHBA-të janë " kombi më i domosdoshëm në botë”.
Në përditësim...
Presidenti ukrainas, Volodymyr Zelensky, vizitoi disa nga brigadat ukrainase që luftojnë në frontin e aksit të formuar nga qytetet Kupiansk dhe Liman, në veri-lindje të Ukrainës.
“Sot ne vizituam brigadat tona që kryejnë misione luftarake në një nga zonat më të nxehta të frontit, Kupiansk-Liman”, shkroi Zelensky në Telegram.
Kreu i shtetit ukrainas u informua nga ushtria për situatën në fushën e betejës dhe nevojat në këtë pjesë të frontit.
“Secila nga brigadat tona luftarake, çdo ushtar që shkatërron pushtuesit konfirmon se fitorja është e pashmangshme”, tha Zelensky.
Presidenti ukrainas vizitoi Brigadën e 103-të të Mbrojtjes Territoriale të Ukrainës, Brigadën e 68-të “Oleksa Dovbush” dhe Brigadën e 25-të Ajrore “Sicheslav”. Videoja që shoqëron mesazhin e Zelensky në Telegram tregon kreun e shtetit duke shtrënguar duart me ushtarakët dhe duke firmosur një nga flamujt e tyre.
Lajme të tjera
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00
