RUSI- Ministri i Jashtëm i Ukrainës, Dmitry Kuleba ka deklaruar së fundmi se forcat ruse po i përngjajnë gjithmonë e më shumë organizatës terroriste të ISIS-it, teksa denoncoi se një ushtari ukrainas i ishte prerë koka. Për këtë reagoi edhe Zelensky i cili kërkoi që OKB të marrë përgjegjësi dhe shtoi se ky veprim tregonte fytyrën e vërtetë të Moskës. Nga ana tjetër, zëdhënësi i Kremlinit, Dmitry Peskov tha se nuk kishte asnjë dijeni mbi ekzistencën e një videoje të tillë dhe shtoi se do të bëhen hetimet e nevojshme për vërtetësinë e videos së denoncuar nga Kuleba.
Rritet tensioni diplomatik rreth konfliktit të Ukrainës, Moska njofton forcimin e mbrojtjes së kufijve të saj veriperëndimorë pas hyrjes së Finlandës fqinje në NATO dhe përjashton që një armëpushim është aktualisht në diskutim në funksion të Pashkëve Ortodokse, 16 Prillit.
“Ideja nuk është propozuar nga askush”, tha zëdhënësi rus Peskov.
Ndërkohë, Kievi dhe aleatët e tij vazhdojnë të merren me rrjedhjen e dokumenteve tepër sekrete amerikane të zbuluara në mediat sociale dhe që do ta kishin çuar Presidentin Volodymyr Zelensk të ndryshonte pjesërisht planet e tij. Bombat ruse kanë rënë në rajonin Kherson. Por në Bakhmut është sheshbeteja, ukrainasit duhet të jenë gati. Sipas Institutit për Studimin e Luftës, rusët kanë vazhduar të përparojnë në 24 orët e fundit, megjithëse me kosto shumë të larta njerëzore.
Është e nevojshme të krijohet një mekanizëm konkret për të përdorur asetet e ngrira ruse si "kompensim" për dëmet e luftës. Kjo u kërkua nga presidenti ukrainas Volodymyr Zelensky, duke folur në hapjen e takimit të tretë ministror për Ukrainën, që po zhvillohet në Uashington, me rastin e takimeve pranverore të Fondit Monetar Ndërkombëtar dhe Bankës Botërore.
Forcat pushtuese sollën më shumë se 100,000 fëmijë ukrainas në Rusi nga rajonet Donetsk dhe Lugansk për "trajtim mjekësor". Kjo është raportuar nga Qendra Kombëtare e Rezistencës së Ukrainës. Sipas raportit, Federata Ruse ka ndarë 1.4 miliardë rubla (17 milionë dollarë) për të ashtuquajturin "program i ekzaminimit mjekësor". Që nga fillimi i vitit 2023, 75,000 fëmijë në Donetsk i janë nënshtruar ekzaminimeve mjekësore, nga të cilët 39,000 kanë marrë një "recetë për trajtim" në Rusi.
“Patologjitë u zbuluan në 66,000 nga 94,000 fëmijët e ekzaminuar në Lugansk”, shkroi Qendra.
Ministri i Jashtëm rus Sergej Lavrov ka njoftuar përfshirjen në “listën e zezë” të 333 personaliteteve kanadeze, të cilëve u ndalohet hyrja në Federatë. Në mesin e të sanksionuarve janë më shumë se 280 deputetë provincialë, si dhe 40 atletë që nënshkruan një letër që kërkonte përjashtimin e atletëve rusë nga Lojërat Olimpike të 2024-ës.
Masa i përgjigjet vendimit të shpallur dje nga kryeministri kanadez Justin Trudeau për të vendosur sanksione të reja kundër individëve dhe subjekteve ruse dhe bjelloruse për përfshirjen e tyre në luftën në Ukrainë.
Zëdhënësi i Kremlinit Dmitry Peskov deklaroi se nëse videoja ku Ukraina pretendon se shfaqen ushtarë rusë duke u prerë kokat të burgosurve ukrainas, është e vërtetë, atëherë do të merren masat për nisjen e hetimeve.
“Nëse videoja me imazhe të tmerrshme të prerjes së kokës së një ushtari ukrainas nga ushtarët rusë do të ishte e vërtetë, mund të ketë një hetim. Ne duhet të verifikojmë imazhet," tha zëdhënësi i Kremlinit Dmitry Peskov.
Ministri i Jashtëm i Ukrainës, Dmytro Kuleba ka denoncuar një akt të rëndë që sipas tij ka ndodhur në burgjet ruse ku po mbahen të burgosur shtetas ukrainas. Ai tha se se në internet po qarkullon një video e tmerrshme e trupave ruse duke i prerë kokën një të burgosuri ukrainas njëjtë si ISIS.
Ai tha se OKB duhet të marrë përgjegjësi për këto veprime duke qenë se Rusia kryeson Këshillin e Sigurimit të Kombeve të Bashkuara.
"Një video e tmerrshme e trupave ruse duke i prerë kokën një të burgosuri ukrainas po qarkullon në internet . Është absurde që Rusia, e cila është më e keqe se ISIS, kryeson Këshillin e Sigurimit të Kombeve të Bashkuara. Terroristët rusë duhet të dëbohen nga Ukraina dhe nga OKB-ja dhe duhet të mbajnë përgjegjësi për krimet e tyre”.
Komente
Lajme të tjera
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00
Ik ore mashtrusa te ndyre se nuk ju beson njeri ju legena se po i vini flaken botes , ju keni kaq vite aty me ata laboratoret e ndyre amerikan qe prodhojne arme te shkaterrimit ne mase dhe Rusi duhet ta zhduke ate qeveri te degjeneruar aty vegel e amerikes
PërgjigjuOturi kush ta vuri te fala nongradeve.