Ish-presidenti amerikan Donald Trump përmes një postimi në rrjetet sociale ka komentuar ndihmën që Shtetet e Bashkuara të Amerikës i kanë dhënë Ukrainës. Trump i është drejtuar presidentit Joe Biden, ndërsa i thotë se edhe Europa duhet t’i japë të kontribuojë në shpenzimet e Ukrainës.
“Pse Joe Biden i korruptuar nuk e bën Evropën të kontribuojë në shpenzimet e Ukrainës?”, shkroi Trump.
Trump akuzon Evropën se është 175 miliardë prapa në krahasim me Shtetet e Bashkuara dhe pohon se për çdo dollar të shpenzuar nga amerikanët duhet të ketë një dollar korrespondues të shpenzuar nga Evropa.
![](https://shqiptarja.com/template/img/NO_ALFA_Kuadrate shqiptarja.png)
"Asnjë dollar tjetër nuk duhet të jepet derisa Evropa të ketë barazuar paratë që Shtetet e Bashkuara kanë vënë për të mbrojtur Ukrainën", shkroi ai.
Lajm ne përditësim...
Shtetet e Bashkuara ia kanë dhuruar Ukrainës rreth 1.1 milion plumba të konfiskuar nga Irani vitin e kaluar. Komanda Qendrore e Shteteve të Bashkuara, e cila mbikëqyr operacionet në Lindje të Mesme, ka thënë se plumbat janë konfiskuar nga një anije e nisur për një Jemen, në dhjetor. Aleatët perëndimorë të Ukrainës kanë paralajmëruar së fundi se fabrikat e tyre të prodhimit janë në luftë me shpejtësinë e përdorimit të municionit nga ana e Ukrainës.
Komanda Qendrore amerikane kanë thënë se plumbat iranianë i janë transferuar Ukrainës të hënën. Municionet janë bërë pronë e Qeverisë amerikane, sipas një ligji që parasheh se, një aset mund të konfiskohet nëse pronari i saj besohet se është përfshirë në aktivitet kriminal. Në këtë rast, pretendimi është bërë kundër Gardës Revolucionare Islamike, degë e forcave të armatosura iraniane, e cila e mbron qeverinë e shtetit.
Përmes një deklarate, autoritetet amerikane kanë thënë se SHBA-ja është “e përkushtuar të punojë me aleatët dhe partnerët tanë për ta luftuar shpërndarjen e ndihmës vdekjeprurëse iraniane në rajon”. Irani i mbështet rebelët Huthi në luftën civile të Jemenit, mirëpo transferimi i armëve për këtë grup ndalohet me një rezolutë të miratuar nga Këshilli i Sigurimit i Kombeve të Bashkuara më 2015. Lufta civile në Jemen ka nisur më 2014 kur rebelët Huthi e kanë marrë kontrollin e kryeqytetit Sanaa dhe e kanë rrëzuar qeverinë e shtetit. Qeveria e rrëzuar njihet ndërkombëtarisht si autoriteti i Jemenit dhe përkrahet nga koalicioni i udhëhequr prej sauditëve në rajon, si dhe nga SHBA-ja dhe Britania e Madhe.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)