UKRAINË- Katër persona vdiqën në fshatin rus Suzemka në rajonin Bryansk në kufirin me Ukrainën në një bastisje të ushtrisë së Kievit
“Dy civilë të tjerë u gjetën të vdekur nën rrënoja – shpjegoi ai – duke e çuar numrin total të të vdekurve në katër”. Në fshatin Suzemkë është vendosur gjendja e jashtëzakonshme.”- tha guvernatori i rajonit Aleksandër Bogomaz .
Bombardimet e Kremlinit kanë vijuar edhe në një tjetër rajon. Artileria ruse sulmoi përsëri rajonin Kherson, duke vrarë një person dhe duke plagosur një tjetër.
Presidenti ukrainas, Volodymyr Zelensky, ka njoftuar "hapa të rëndësishëm" për të krijuar një gjykatë për krimet e luftës ruse.
Zelensky foli për "përshpejtimin e humbjes së shtetit terrorist".
"Nuk mjafton për Ukrainën dhe për botën që Rusia është e dobët, siç po ndodh tashmë. Ajo duhet të jetë plotësisht përgjegjëse për gjithçka që ka bërë."- tha a
Pas bombardimeve të qyteteve , presidenti ukrainas kishte bërë thirrje për sigurimin e "mbrojtjes ajrore dhe luftëtarëve" për ushtrinë e tij. Zëdhënësi i Forcave Ajrore tha se "disa dhjetëra" pilotë ukrainas janë tashmë të gatshëm të luftojnë me avionët luftarakë F-16.
Themeluesi i grupit mercenar rus Wagner, Yevgeny Prigozhin tha se luftëtarët përparuan në drejtime të ndryshme në zonat nën kontrollin ukrainas në Bakhmut. Kjo është raportuar nga agjencia ruse RIA Novosti.
Zona e mbetur e qytetit nën kontrollin e Kievit ishte vetëm 2.9 kilometra katrorë. Prej shumë muajsh në periferi të qytetit Bakhmut po zhvillohen beteja të ashpra.
Ministri i Jashtëm hungarez Peter Szijjarto tha se vendi i tij pagoi "një çmim shumë të lartë" për luftën në Ukrainë dhe "shumë hungarez, anëtarë të komunitetit Transkarpat, vdiqën" në konflikt.
Kreu i diplomacisë së Budapestit i është përgjigjur kështu përmes profilit të tij në Facebook, kritikave të presidentit ukrainas, Volodymyr Zelensky, sipas të cilit Hungaria po adopton një sjellje "të papërshtatshme" në lidhje me pushtimin rus.
"Nëse kjo deklaratë do të thotë: "Falënderoj me respekt hungarezët që pranuan dhe kujdesen për më shumë se një milion refugjatë nga Ukraina , dhe me respekt i falënderoj ata që vazhdojnë të dërgojnë ndihma", atëherë ju lutemi dhe mund të mbështeteni tek ne në të ardhmen." , shtoi sërish Szijjarto.
Në darkën vjetore të korrespondentëve të Shtëpisë së Bardhë të mbrëmshme, Joe Biden tha se ai po punon "si dreqi" për t'i liruar gazetarët amerikanë të ndaluar jashtë vendit dhe vlerësoi guximin absolut të Evan Gershkovich me akuzën e spiunazhit dhe përsëriti apelin e tij drejtuar Moskës për lirimin e tij të menjëhershëm.
Biden iu drejtua drejtpërdrejt prindërve të Gershkovich, të cilët ishin të pranishëm dhe morën duartrokitjet e më shumë se 2,000 të pranishmëve në ngjarje, disa prej tyre të veshur me një bluzë "Free Evan".
Imazhet po shfaqen sot të shtëpive të shkatërruara dhe rrugëve të shpërndara nga rrënojat pas një sulmi me dron rus në fshatin Malotaranivka, në rajonin lindor të Donetskut.
Krahu lindor është vendi ku Rusia po përqendron tani të gjitha përpjekjet e saj. Rajoni është kontrolluar nga përfaqësuesit rusë që nga viti 2014.
Në muajt e fundit, komandantët rusë kanë ndëshkuar ushtarët që duan të largohen nga fusha e betejës apo ata që dehen duke i ndërprerë kontratat dhe duke i mbyllur në gropa të hapura në tokë të mbuluar nga një rrjet metalik, të ashtuquajtur "zindan".
Kështu shprehet inteligjenca e Ministrisë Britanike të Mbrojtjes. Shkeljet e disiplinës nga personeli rus janë ndëshkuar me këto masa veçanërisht që kur shefi i shtabit Valery Gerasimov mori komandën e operacionit në janar.
Presidenti i Ukrainës, Volodymyr Zelensky në një intervistë të dhënë për mediat vendase është pyetur nëse do të kishte mundur të luftonte nëse rusët do të kishin sulmuar selinë e tij në Kiev në fillim të pushtimit.
Ai tha se dinte të përdorte armën dhe të luftonte përballë tyre dhe shtoi se do të rezistonte deri në fund, duke mos e lënë të ndodhë ajo që e cilësoi si të turpshëm nëse ndodhte “kapja peng e tij”.
“Di të qëlloj. A mund ta imagjinoni titullin ‘rusët kapën presidentin ukrainas’? Kjo do të ishte e turpshme. Nëse ata do të kishin hyrë, ne nuk do të flisnim tani. Askush nuk do të ishte kapur sepse do të kishim luftuar deri në fund. Deri në fund”.
Kur u pyet nëse kishte armë dhe nëse ushtrohej me të, ai u përgjigj pozitivisht.
Në fjalimin e tij tradicional para publikut mbrëmjen e djeshme, ai akuzoi ushtarët rusë se janë po aq fajtorë për krime lufte sa edhe udhëheqja e tyre.
“Jo vetëm komandantët, por të gjithë ju, të gjithë jeni terroristë dhe vrasës dhe të gjithë duhet të ndëshkoheni. Kushdo që piloton dhe gjuan raketa, që mirëmban aeroplanë dhe anije që përdoren për terrorizim, të gjithë jeni bashkëpunëtorë në krim”, tha Zelensky.
Deklarata pasoi një sulm me raketa në qytetin Uman të Ukrainës, i cili vrau 23 persona. Në mesin e tyre, tha Zelensky, ishin gjashtë të mitur.
Komente
Lajme të tjera
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53
O TI PA EMER.JE RUS QE SHKRUAN SHQIP APO JE TRADHTAR SHQIPTAR I BLERE NGA RUSET. SI MUND TE IRONIZOSH NJE PRESIDENT TE NJE SHTETI QE KERKON DREJTESI PER SHTETASIT E TIJ TE VRARE MIZORISHT NGA NJE SHTET PUSHTUES KU PERFSHIHEN DHE FEMIJE PLEQ
PërgjigjuEshte e kote te flasesh me keta, plehra, nuk hane pyke. Per fat te keq ka shume te tille. Me tha nje bullgar qe edhe ne vendin e tij shumica jane pro muzhikeve.
Prb eshte kur te iki efekti i mallit si do tja besh ore trim i madh ?
PërgjigjuPo muzhikeve te tu kur do te dale vodka？