Lufta/ Gaza, ndërpriten interneti dhe valët telefonike! OKB: Të paktën 300 të vdekur që nga përfundimi i armëpushimit

Gaza

Shërbimet e telekomunikacionit janë ndërprerë në të gjithë Rripin e Gazës, ka deklaruar kompania palestineze e telekomunikacionit Paltel. 

“Me keqardhje njoftojmë ndërprerjen e plotë të lvalëve telefonike dhe shërbimeve të internetit me Rripin e Gazës, pasi linjat kryesore të rilidhura më parë janë ndërprerë sërish”,- thuhet në deklaratë, raporton Haaretz.

Gaza

Të paktën 300 njerëz janë vrarë në Gaza që nga përfundimi i armëpushimit më 1 dhjetor, sipas Zyrës së Kombeve të Bashkuara për Koordinimin e Çështjeve Humanitare (Unocha), raporton “The Guardian”.

Kjo shifër është gjysma e numrit të dhënë nga Ministria Palestineze e Shëndetësisë, e cila ka deklaruar se numri i të vrarëve pas armëpushimit ka shkuar në rreth 600.

Agjencia humanitare e OKB-së gjithashtu raportoi se hyrja e ndihmave ishte bllokuar plotësisht në veri të Gazës.

Foto ilustruese

Agjencia mediatike palestineze “Wafa”, ka deklaruar se ditën e sotme, ushtria izraelite ka bombarduar 2 shkolla në Gaza, ku ishin të strehuar palestineze të zhvendosur nga banesat e tyre.

Nga sulmi raportohet se kanë mbetur të vdekur rreth 50 palestinezë.

Avionët luftarakë izraelitë kanë bombarduar shkollën Salah Ad-Din të drejtuar nga agjencia e Kombeve të Bashkuara për refugjatët palestinezë (UNRËA) dhe shkollën Martiri Assad Saftaëi në lagjen al-Darraj.

Dhjetëra të plagosur u dërguan në spitalin Arab Al-Ahli në lagjen al-Zeitoun.

Punonjësit e ambulancës kanë raportuar se po hasin vështirësi të mëdha në marrjen e të plagosurve për shkak të sulmeve intensive izraelite në zonë.

Foto e banorëve duke u larguar nga Gaza

Ndërsa trupat izraelite zgjerojnë më tej operacionet e tyre në Rripin e Gazës, ata kanë lëshuar urdhra të përditësuar në lidhje me evakuimet, veçanërisht në qendër dhe në jug. të rripit

Një nga mënyrat se si i shpërndan këto udhëzime është përmes një harte në internet që ndan Rripin e Gazës në qindra blloqe, shkruan BBC.

Banorëve u kërkohet të monitorojnë zhvillimet në zonën ku jetojnë dhe të ndjekin udhëzimet e IDF [Forcat e Mbrojtjes së Izraelit] përmes organeve të ndryshme mediatike”.

Sot në mëngjes ajo përdori mediat sociale për të lëshuar urdhra të rinj evakuimi në rreth 20 zona në jug të Gazës.

IDF ka hedhur gjithashtu fletushka mbi zona duke urdhëruar njerëzit të evakuohen, ndonjëherë duke përfshirë kodet QR të lidhura me hartën dhe ka bërë thirrje telefonike duke paralajmëruar banorët për sulme të afërta. Qasja e saj ka tërhequr kritika.

Sari Bashi nga Human Rights Watch tha se Izraeli po u kërkonte njerëzve “të cilët nuk kanë energji elektrike apo internet të skanojnë disi një barkod për të parë se ku duhet të shkojnë”.

Ajo tha gjithashtu se Izraeli po u thotë njerëzve të ikin “kur nuk ka vend të sigurt për të shkuar” dhe kur nuk ka mënyrë të sigurt për të arritur atje.

OKB-ja vlerëson se rreth katër në pesë persona në Gaza u është dashur të largohen nga shtëpitë e tyre për shkak të luftës dhe SHBA-ja i ka lëshuar një paralajmërim Izraelit për të mbrojtur civilët – gjë që Izraeli thotë se po bën “përpjekjet maksimale” për ta bërë.

Njerëzit duke u larguar nga Gaza

Gati 1.9 milion njerëzve u është dashur të largohen nga shtëpitë e tyre në Rripin e Gazës që nga fillimi i ofensivës ushtarake izraelite.

Rreth 1.2 milion janë pritur në objektet e Agjencisë së Kombeve të Bashkuara për Refugjatët Palestinez (UNRWA), sipas së cilës 80 % e popullsisë së Gazës tani është zhvendosur. 

Agjencia e OKB-së ka humbur 111 persona nga stafi tij që kur Izraeli nisi operacionin në përgjigje të sulmeve të Hamasit të 7 tetorit.

Foto e pengjeve

Qeveria izraelite ka konfirmuar se 15 nga 137 pengjet që ende mbahen nga grupi islamik Hamas në Gaza janë vrarë. Zyra e kryeministrit izraelit, Benjamin Netanyahu, lëshoi ​​një deklaratë duke zbuluar emrat e "15 civilëve dhe ushtarëve të vrarë dhe atyre që ende po mbahen peng në Gaza".

Midis tyre janë Shaked Dahan, Tomer Achims, Kirill Borovsky, Assaf Hammi, Mia Goren, Ofra Kidar, Aryeh Zalmanovitz, Eliyahu Margalit, Ronen Engel, Aviv Azili, Ravid Aryeh Katz, Shani Luke, Oren Goldin, Yonatan Samarno dhe Guyloz. 

Sipas të dhënave nga qeveria izraelite, e cila konfirmoi vdekjen e 15 pengjeve në bazë të informacionit dhe provave të mbledhura nga trupat e dislokuara në Gaza, 122 nga më shumë se 240 të kapur nga Hamasi gjatë sulmit të 7 tetorit janë ende gjallë në Gaza.

Mes pengjeve që konsiderohen të gjallë janë dy fëmijë, vëllezërit Ariel dhe Kfir Bibas, përkatësisht 4 vjeç dhe 10 muajsh, të rrëmbyer së bashku me nënën e tyre Shiri Silverman Bibas - me origjinë argjentinase - dhe babain e tyre Yarden Bibas. 

Izraeli ka akuzuar Hamasin për shkeljen e kushteve të armëpushimit të 24-30 nëntorit duke refuzuar të lirojë zonjën Bibas dhe dy fëmijët e saj, por grupi islamik pretendon se të tre u vranë nga bombardimet izraelite dhe ka ofruar t'i dorëzojë trupat e tyre, por u refuzua. nga Izraeli.

Mijëra njerëz, duke përfshirë disa nga pengjet e liruar së fundmi, demonstruan në Tel Aviv të shtunën për t'i bërë thirrje qeverisë të shpëtonte të tjerët, por Netanyahu këmbënguli se prioriteti tani ishte rritja e ofensivës ushtarake në Gaza.

Gjithsej 105 pengje - 81 izraelitë dhe 24 të huaj (23 tajlandez dhe një filipinas) - u liruan gjatë armëpushimit shtatëditor, i cili përfshinte lirimin e 240 palestinezëve të mbajtur në burgjet izraelite. Ata janë bashkuar me katër pengje të tjerë të liruar më parë: një nënë dhe vajzë izraelito-amerikane dhe dy gra të moshuara izraelite. Përveç kësaj, Izraeli gjeti trupat e tre pengjeve të vdekur në Gaza: një burri, një ushtari dhe një gruaje të moshuar.

Foto e familjeve të pengjeve

Familjet e pengjeve izraelite i kanë bërë thirrje kabinetit të luftës që të "rinisin menjëherë negociatat" me Hamasin. 

Në një konferencë për media ata bënë të ditur se protestat do të shtohen nëse kërkesa nuk pranohet. Ata thanë se synimi ishte që nesër në mëngjes të mblidheshin para Ministrisë së Mbrojtjes në Tel Aviv dhe “të mos lëvizim prej andej”. 

Zyra e kryeministrit Netanyahu, e cila fillimisht kishte planifikuar një takim me familjet për të mërkurën e ardhshme, ka bërë të ditur se po përpiqet ta çojë takimin në mbrëmjen e sotme.

Foto e tankeve izraelite në Gaza

Tanket izraelite kanë hyrë në pjesën jugore të Gazës. Këtë e bëjnë të ditur burime në faqe. 

Sipas tyre tanket hynë në fshatrat Karara, Khuzaa dhe Abassan, pasi popullata vendase kishte marrë urdhër evakuimi të menjëhershëm nga ushtria dy ditë më parë. 

Burimet shtojnë se tanket, të cilat më parë kishin lëvizur drejt hyrjes së Khan Yunis - qyteti kryesor në jug të Rripit - dhe Deir el-Ballah aty pranë janë tërhequr ndërkohë dhe kanë zënë pozicione përgjatë Sallah-a- din arterie .

Foto e Benjamin Netanyahu në gjykatë

Në kulmin e luftës kundër Hamasit, gjyqi për korrupsion kundër kryeministrit izraelit Benjamin Netanyahu ka rifilluar në Jerusalem, rreth dy muaj pas pezullimit të tij për shkak të sulmit të përgjakshëm të 7 tetorit. 

Benjamin Netanyahu, 74 vjeç, dyshohet se ka marrë sasi të mëdha 'dhuratash' me vlerë rreth 176 mijë euro nga personalitete të pasura. Këto ryshfete janë purot, shishet e shampanjës dhe bizhuteritë e shpërndara midis viteve 2007 dhe 2016.

Midis dashamirësve të tij të supozuar, manjati izraelit i Hollivudit, Arnon Milchan, producent i "Brazil", "JFK", "Pretty woman" dhe "Natural Killers", dyshohet se ka promovuar një masë tatimore në këmbim që Milchanit mund t'i kishte fituar miliona dollarë. Ministria e Financave megjithatë vuri veton ndaj saj.

Netanyahu pretendon se ka pranuar vetëm dhurata nga miqtë, pa i kërkuar ato dhe e konsideron veten viktimë të një gjueti shtrigash. Kryeministri nuk do të thirret menjëherë në qëndrimin e dëshmitarit, por mund të dëshmojë pas disa muajsh, sipas shtypit izraelit. Gjyqi i tij, i hapur në vitin 2020, është i pari në Izrael për një kryeministër në detyrë.

Foto e disa fëmijëve teksa marrin ndihma nga UNICEF

James Elder, zëdhënës i agjencisë së Kombeve të Bashkuara për fëmijë, Unicef, tha se ka shqetësime serioze për ndikimin e veprimeve ushtarake izraelite në Gazën jugore.

“Ajo që ndodhi në veri, tmerri që njerëzit duruan nuk duhet të lejohet të ndodhë në jug”, tha Elder.

Ai tha se bombat bien çdo 10 minuta. Sipas tij, askush nuk është i sigurt në spitale dhe as në strehimore.

“Për njerëzit në Gazën jugore, rreziku tani kombinohet me rraskapitjen. Kur jeni zhvendosur tre ose katër herë për shkak të bombardimeve, njerëzit janë të lodhur, të rraskapitur, duke u përpjekur të qëndrojnë të sigurt së bashku me fëmijët e tyre. Ata nuk kanë ku të shkojnë", tha ai.

Recep Tayyip Erdogan

Presidenti turk Recep Tayyip Erdogan tha të hënën (4 Dhjetor) se kryeministri Benjamin Netanyahu do të gjykohet si kriminel lufte për ofensivën e vazhdueshme të Izraelit në Rripin e Gazës.

Në një fjalim në një takim të komitetit të Organizatës së Bashkëpunimit Islamik (OIC) në Stamboll, Erdogan tha se Gaza është tokë palestineze dhe do t'i përkasë gjithmonë palestinezëve.

Zëdhënësi i Ministrisë së Jashtme, Nasser Kanaani

Irani do t'i përgjigjet sulmeve ndaj interesave të tij në Siri, tha zëdhënësi i Ministrisë së Jashtme, Nasser Kanaani të hënën (4 Dhjetor) kur u pyet për vrasjen e Izraelit të dy Gardës Revolucionare iraniane në Siri javën e kaluar. 

“Asnjë veprim kundër interesave të Iranit dhe forcave tona këshilluese në Siri nuk do të mbetet pa përgjigje”, tha Kanaani. 

Dy anëtarë të Gardës Revolucionare të Iranit që shërbenin si këshilltarë ushtarakë në Siri u vranë në një sulm izraelit, raportoi media shtetërore iraniane më 2 nëntor, në viktimat e para iraniane të raportuara në luftën e vazhdueshme në Gaza.

Foto nga bombardimet izraelite në Gaza

Një delegacion i zyrtarëve të lartë të administratës Biden do të mbërrijë sot në Izrael për t'u takuar me homologët izraelitë dhe për të diskutuar planifikimin e pasluftës në Gaza. Këtë e ka bërë të ditur Shtëpia e Bardhë. 

Delegacioni do të kryesohet nga këshilltari për sigurinë kombëtare i nënpresidentes së SHBA, Kamala Harris, Phil Gordon, i cili ishte me të në takimet me krerët arabë në Dubai gjatë fundjavës. 

Atij do t'i bashkohet Ilan Goldenberg, këshilltari i Harris për Lindjen e Mesme së bashku me të tjerë. Sipas faqes së lajmeve Walla, delegacioni amerikan do të takohet me Presidentin e Këshillit të Sigurisë Kombëtare Tzachi Hanegbi dhe Ministrin e Çështjeve Strategjike Ron Dermer së bashku me Presidentin e Autoritetit Palestinez Mahmud Abbas në Bregun Perëndimor.

Wang Wenbin

Kina ka shprehur "shqetësim të thellë" për rifillimin e konfliktit në Rripin e Gazës pas përfundimit të armëpushimit humanitar të rënë dakord midis Izraelit dhe Hamasit. 

Këtë e bëri të ditur zëdhënësi i Ministrisë së Jashtme kineze, Wang Wenbin, duke shtuar se objektivi i përgjithshëm për një armëpushim dhe për t'i dhënë fund luftës nuk mund të ndryshohet. 

Cituar nga Global Times, Wang theksoi se "objektivi kryesor i mbrojtjes së civilëve nuk duhet të braktiset".

Yonatan Samerano

Jonathan Samerano, një 21-vjeçar, i cili u mor peng pasi terroristët palestinezë filluan sulmin më 7 tetor, ka vdekur në robërinë e Hamasit, njoftuan familja e tij, njoftuan mediat izraelite, të hënën (4 dhjetor). 

21-vjeçari nga Tel Avivi ishte në festivalin muzikor Supernova në kibbutz Re'im të Izraelit jugor kur luftëtarët e Hamasit sulmuan.

Sipas zyrtarëve izraelitë, qindra u vranë në festivalin e shkretëtirës, ​​i cili u tha se ishte një nga vendet e para që u sulmua nga terroristët e Hamasit. 

Forcat e Mbrojtjes të Izraelit (IDF) informuan familjen e 21-vjeçarit për vdekjen e tij në robërinë e Hamasit të hënën, raportojnë mediat izraelite. 

Ai thuhet se u rrëmbye më 7 tetor pasi kishte ikur nga festivali drejt Kibbutz Be'eri përpara se të qëllohej dhe të dërgohej në Gaza.

Ushtarët e Hamasit

Një grua 40-vjeçare është arrestuar nga policia izraelite me dyshimin se ka postuar video duke inkurajuar përdoruesit të mbështesin Hamasin. Gazeta Hareetz e raporton këtë, duke cituar vetë policinë izraelite. 

Gruaja, një banore në Rishon Letzion, në Izraelin qendror, u mor në pyetje nga policia, e cila aktualisht po shqyrton nëse do t'i zgjasë paraburgimin.

Palestinezët në Gaza

Qindra mijëra palestinezë në Bregun Perëndimor kanë humbur punën e tyre ose u janë ngrirë pagat pasi autoritetet izraelite anuluan lejet e tyre te punës dhe vendosën kufizime të rënda në vendkalimet pas sulmeve të 7 tetorit.

Përafërsisht 182,000 banorëve të Gazës që punojnë në Izrael dhe vendbanime iu ndërprenë punësimi, sugjerojnë vlerësimet fillestare nga Organizata Ndërkombëtare e Punës (ILO), ndërsa rreth 24% e punësimit në Bregun Perëndimor është humbur gjithashtu – ekuivalente me 208,000 vende pune – si një rezultat i luftës Izrael-Hamas.

Sipas ILO, 160,000 punëtorë të tjerë nga Bregu Perëndimor ose kanë humbur punën e tyre në Izrael dhe vendbanime, të paktën përkohësisht, ose janë në rrezik për t’i humbur ato.

Hani Mousa, një asistent profesor i shkencave politike në Universitetin Birzeit në Bregun Perëndimor, tha se kjo është pjesë e “dënimit kolektiv të Izraelit të palestinezëve, i cili u shtri edhe për punonjësit në Autoritetin Palestinez (PA), pagat e të cilëve nuk u paguan sepse Izraeli nuk transferoi paratë e nevojshme”.

Sipas marrëveshjeve të përkohshme të paqes, ministri izraelit i Financave ka fjalën e fundit në transfertat mujore të parave që i bëhen Autoritetit Palestinez nga taksat që ajo mbledh në emër të palestinezëve. AP është zakonisht në gjendje të paguajë punonjësit e saj, gjë që nuk ishte në gjendje ta bënte në tetor, pasi Izraeli refuzoi të bënte transferimet e plota.

Forcat izraelite

Forcat e Mbrojtjes izraelite (IDF) pretendon se ka kryer 200 sulme gjatë natës në të gjithë Gazën, ndërsa bombardimet ajrore vazhdojnë.

Një nga njësitë e saj tokësore kishte shkatërruar një qendër komanduese të Hamasit me bazë brenda një shkolle në Gazën veriore, raporton Sky News.

“Brigada Negev shkatërroi një infrastrukturë terroriste të ngritur në një shkollë në Beit Hanon, nga ku u nis një sulm kundër forcave tona”.

Ajo tha se forcat e saj ajrore kishin goditur dhe shkatërruar një skuadër të Hamasit dhe “forcat detare sulmuan disa objektiva… si ndihmë për forcat manovruese”.

Foto nga Gaza pas bormbardimeve izraelite

Të paktën katër persona u vranë dhe nëntë të tjerë u plagosën në një sulm izraelit pranë spitalit Kamal Adwan në Jabalia. 

Burimet spitalore i thanë agjencisë palestineze të lajmeve Wafa, të cituar nga Al Jazeera, se viktimat përfshinin fëmijë dhe gra. 

Më shumë se 10 mijë palestinezë të zhvendosur po kërkojnë strehim në spital pasi u larguan nga shtëpitë e tyre në Gazën veriore.

Haitham Khuwajari

Forcat izraelite kanë vrarë një komandant të Hamasit të quajtur Haitham Khuwajari. Kështu tha ushtria në një postim X herët të hënën.

Forcat e Mbrojtjes të Izraelit (IDF) pretendojnë se Khojari kishte udhëhequr një batalion që mori pjesë në sulmet e Hamasit ndaj Izraelit më 7 tetor.

Ata thanë gjithashtu se Khojari ishte përgjegjës për sigurinë për aktivitetet e Hamasit në spitalin kryesor të Gazës Al-Shifa dhe komandonte luftimet kundër forcave të IDF në kampin Shatti, një kamp refugjatësh palestinezë në Gazën veriore.

Ushtria izraelite shënjestroi Al-Shifa dy javë më parë, duke pretenduar se Hamasi kishte ndërtuar një qendër të rëndësishme komandimi nën spital. Shtetet e Bashkuara i mbështetën këto pretendime, të cilat Hamasi i hodhi poshtë. Po ashtu IDF njoftoi se tre ushtarë u vranë në betejë të dielën.

Tanket izraelite në Gaza

Izraeli po zgjeron operacionet e tij tokësore në të gjithë Gazën, njoftuan të dielën Forcat Mbrojtëse të Izraelit.

“IDF po rifillon dhe zgjeron operacionin tokësor kundër bastioneve të Hamasit në të gjithë Rripin e Gazës”, tha në një konferencë shtypi zëdhënësi i IDF, Daniel Hagari.

Hagari nënvizoi gjithashtu “rëndësinë e ndihmës ajrore të ofruar nga Forcat Ajrore për forcat tokësore”, duke thënë se sulmet ajrore kundër selisë së Hamasit, objekteve të prodhimit të armëve, tuneleve dhe vendeve të lëshimit të raketave kufizojnë kërcënimet e paraqitura kundër operacionit tokësor.

“Politika jonë është e qartë, ne do të godasim me forcë çdo kërcënim të paraqitur kundër territorit tonë”, tha Hagari.

Siç është raportuar nga Ministria e Shëndetësisë e Hamasit, që nga 7 tetori numri i të vdekurve ka kaluar 15,500 me 70% të viktimave gra dhe fëmijë. Sa i përket të lënduarve, ata i kalojnë 41 mijë.

Aleati më i afërt i Izraelit, Shtetet e Bashkuara të Amerikës, e kanë bërë të qartë përmes zëvendëspresidentes së vendit, Kamala Harris, se nuk do të lejojë zhvendosjen e detyruar të palestinezëve nga Gaza ose Bregu Perëndimor, rrethimin e përhershëm të Gazës ose rishikimin e kufijve të saj. 

Zëdhënësi i Këshillit të Sigurisë Kombëtare të Shtëpisë së Bardhë, John Kirby garantoi se Shtetet e Bashkuara po punojnë "shumë fort" për të rifilluar negociatat mes Izraelit dhe Hamasit.

Kryeministri i dhe ministri i Jashtëm i Katarit, Mohammed bin Abdulrahman bin Jassim Al-Thani zhvilluan një telefonatë me Sekretarin e Shtetit të SHBA-së, Antony Blinken, në të cilin ata diskutuan "modalitetet për de-përshkallëzimin dhe armëpushimin".

Shtetet e Bashkuara i kanë kërkuar Izraelit të shmangë zhvendosjet e reja masive dhe të bëjë më shumë për të mbrojtur civilët.