Sulmet ajrore të Rusisë në rajonin e Khersonit, në jug të Ukrainës, shkaktuan katër të vrarë të dielën, mes tyre një burrë 87-vjeçar dhe gruan e tij 81-vjeçare, pas një sulmi në ndërtesën e tyre të banimit.
Nëntë persona të tjerë u plagosën, përfshirë një 15-vjeçar, tha kreu i administratës ushtarake rajonale, Oleksandr Prokudin.
"Nuk ka pushime për armikun," shkroi në rrjetet sociale Andrii Yermak, shefi i kabinetit të presidentit ukrainas, duke komentuar sulmin në Kherson. “Pushimet nuk ekzistojnë për ne për sa kohë që armiku i vret njerëzit tanë dhe vazhdon të jetë në tokën tonë.”
Sulme pati edhe në qytetin Kherson. Ato u ndërmorrën ndërsa Ukraina përgatitet të festojë zyrtarisht Krishtlindjet, për herë të parë më 25 dhjetor, pasi deri më tani i kishte kremtuar në datën 7 janar.
Disa ukrainas ortodoksë kremtuan Krishtlindjet më 25 dhjetor të vitit të kaluar në përgjigje të sulmit rus ndaj Ukrainës në shkurt të vitit 2022. Kisha Ortodokse Ruse e feston lindjen e Jezusit më 7 janar.
Një katedrale në Kiev e shënoi festën e Krishtlindjes më 7 janar të këtij viti, por mesha u mbajt në gjuhën ukrainase, për herë të parë gjatë 31 viteve të pavarësisë së Ukrainës nga Bashkimin Sovjetik.
Presidenti Volodymyr Zelenskyy firmosi në korrik një ligj që e zhvendoste festën publike të Krishtlindjes më 25 dhjetor. Për të shënuar natën e Krishtlindjes më 24 dhjetor, Presidenti Zelenskyy iu drejtua kombit në një video të filmuar përpara Katedrales së Shën Sofisë në qendër të Kievit.
Ai i siguroi ukrainasit që luftojnë kundër pushtimit të plotë të vendit nga Rusia se "hap pas hapi, ditë pas dite, errësira po zhduket".
“Sot ky është qëllimi ynë i përbashkët, ëndrra jonë e përbashkët. Dhe pikërisht për këtë është lutja jonë e përbashkët sot. Për lirinë tonë. Për fitoren tonë. Për Ukrainën tonë”, tha Presidenti Zelenskyy.
Khersoni nuk ishte i vetmi rajon i Ukrainës që u sulmua të dielën. Forcat ruse kryen 15 sulme me dronë gjatë natës dhe 14 nga dronët Shahed të prodhuar nga Irani u shkatërruan mbi rajonet Mykolaiv, Kirovohrad, Zaporizhzhya, Dnipropetrovsk dhe Khmelnytskyi, njoftoi forca ajrore ukrainase.
Ndërkohë, dy persona u plagosën gjatë sulmeve ruse mbi 20 qytete dhe fshatra në të gjithë rajonin e Kharkivit, në veri të Ukrainës veriore, tha guvernatori Oleh Syniehubov.
Në Rusi, një burrë u plagos në rajonin Bryansk pasi një fshat afër kufirit me Ukrainën u vu nën sulm, tha guvernatori i rajonit, Alexander Bogomaz./Voa
Lajme të tjera
-
Ish-këshilltari amerikan: Trump s’ka ide si t'i japi fund luftës në Ukrainë
21 Korrik, 17:35 -
Lufta në Ukrainë, paralajmërojnë zyrtarët: SHBA dhe Evropës nuk do t’i ndalet rreziku
19 Korrik, 08:39 -
Presidentja Osmani: Kosova do vazhdojë të qëndrojë së bashku me SHBA-të
18 Korrik, 15:22 -
NATO-ja emëron përfaqësuesin e saj në Ukrainë
17 Korrik, 19:31 -
Zelensky: Rusia duhet të marrë pjesë në bisedimet për paqe
16 Korrik, 08:33 -
Gjermania refuzon sërish thirrjet për të dërguar aeroplanë luftarakë në Ukrainë
15 Korrik, 16:40 -
NATO mbyll takimin në Uashington me garanci sigurie për Ukrainën
13 Korrik, 18:22 -
Zbulohen komplote të Rusisë për atentate në Evropë kundër mbështetësve të Ukrainës sipas agjencive perëndimore të inteligjencës
12 Korrik, 21:28 -
Rusia shton trysninë ndaj NATO-s në përmbyllje të takimit të aleancës në SHBA
12 Korrik, 19:53 -
NATO rikonfirmon mbështetjen për Ukrainën, Blinken: Avionë të tjerë F-16 drejt Kievit! Stoltenberg pret të miratohet paketa e konisiderueshme e ndihmës
10 Korrik, 22:41 -
Lufta/ NATO në favor të anëtarësimit të Ukrainës, por herët të flitet se kur! Blinken: Vendet aleate kanë nisur transfermimin e avionëve luftarakë F-16 drejt Kievit
10 Korrik, 18:25 -
Ukraina i thotë Hungarisë se propozimet për paqe s’mund të bazohen në narrativat ruse
10 Korrik, 17:52
