Lufta me flakët është bërë fenomen i përvitshëm në Shqipëri, dhe mesa duket formula për të dalë në një zgjidhje përfundimtare nuk po gjendet. Bilanc nuk ka, por me qindra hektarët pyje e kullota janë djegur nga zjarret që kanë shpërthyer nga veriu në jug dhe sa raportohet për një vatër të shuar, të tjera aktivizohen.
Por teksa beteja për të shmangur zjarret duket e humbur, miliona euro harxhohen nga buxhetet e pushtetit vendor e qendror për mbrojtjen nga zjarret.
Vetëm për këtë vit buxheti i shtetit përmes transfertës së pakushtëzuar ju ka dhënë bashkive 1 miliardë e 546 milionë lekë (15.1 milionë euro) për t’u mbrojtur nga zjarret. Me rritje të lehtë krahasuar me vjet kur në dispozicion njësitë e pushtetit vendor kishin 1.4 miliardë lekë. Pjesën më të madhe të këtij buxheti e merr Bashkia Tiranë (134,539 mijë lekë), Kukës (62,699 mijë lekë), Durrës (58,109 mijë lekë), Kamëz (52,696 mijë lekë), Vlorë (48,566 mijë lekë) dhe Shkodër (46,597 mijë lekë).
Ndërkohë në vlerë rekord të lartë është buxheti i këtij viti për Emergjencat Civile, strukturë e Ministrisë së Mbrojtjes, e cila përgjigjet për pasojat nga fenomenet natyrore, përmbytjet, zjarret apo tërmetet. Janë 5 miliardë e 382 milionë lekë fundet në dispozicion të emergjencave nga 4.3 miliardë lekë që ishte vlera vjet. Pra në total janë 6.9 miliardë lekë (70 mln euro) të dedikuara për mbrojtjen nga zjarret dhe për emergjencat civile këtë vit.
Përtej këtyre fondeve, vetë bashkitë janë të detyruara me ligj që të ndajnë nga buxheti që i vihet në dispozicion nga qeveria 4% vetëm për fatkeqësitë natyrore dhe mbrojtjen civile. Por mesa duket këto para nuk janë të mjaftueshme për të vënë nën kontroll vatrat e zjarrit dhe për të shmangur dëmet e mëdha.
Pak javë më parë Banka Botërore në raportin e saj për ndryshimet klimatike sugjeronte që Shqipëria të investojë 6 miliardë dollarë në 10 vitet e ardhshme për mbrojtjen nga ndryshimet klimatike. Në raport thuhej se vendet e Ballkanit Perëndimor kanë përjetuar zjarre 21% më shumë në dekadën e fundit si rezultat i thatësirës dhe temperaturave ekstreme.
Komente
Lajme të tjera
-
Vlorë/ Zjarr i fuqishëm pranë autostradës në Panaja, shkrumbohen bimësi dhe ullishta! Era favorizon flakët, të panjohura shkaqet (VIDEO)
9 Shtator, 14:21 -
Vlorë/ Zjarr në malin e Shashicës në Tragjas, era favorizohen përhapjen e flakëve
7 Shtator, 21:16 -
Zjarr në Qafë Krrabë të Elbasanit! Digjet një sipërfaqe me shkurre (VIDEO)
7 Shtator, 19:59 -
Tragjedi në Kenia, të paktën 17 fëmijë të vdekur dhe 14 të plagosur nga djegia e konviktit të shkollës! Mister shkaqet, dyshohet dhe për trupa të tjerë
6 Shtator, 10:12 -
Kavajë/ I vuri zjarrin stallës së bagëtive të kushëririt në Golem, arrestohet 25-vjeçari
6 Shtator, 09:37 -
Zjarr i frikshëm në Elbasan, flakët përfshijnë pjesën e jashtme të fabrikës së plastikës, rrezikoi dhe të tjerat! Shpëtojnë punëtorët (VIDEO)
4 Shtator, 15:08
-
Kukës/ Shuhet zjarri në kullotat e Shishtavecit, u angazhuan 100 forca zjarrfikëse
4 Shtator, 15:01
-
Zjarret në vend/ Ministria e Mbrojtjes: Gjatë 24 orëve janë shuar 23 vatra, 2 aktive
4 Shtator, 13:53 -
Zjarret në vend/ Ministria e Mbrojtjes: 25 vatra të raportuara, 19 prej tyre janë shuar! Mbetet problematike situata në Mirditë
3 Shtator, 11:18 -
Greqi/ Shqiptarja i vë zjarrin makinës së ish-partnerit pakistanez, policia e arreston! U hakmor pas ndarjes
2 Shtator, 16:01 -
Zjarret në vend/ Ministria e Mbrojtjes: Gjatë 24 orëve janë shuar 31 vatra, problematike mbetet situata në qarkun e Lezhës
2 Shtator, 09:46 -
Kukës/ Riaktivizohet zjarri në bjeshkët e Shishtavecit, dhjetëra forca dhe banorë në operacion! Izolohet vatra, Policia nis hetimet nëse është i qëllimshëm (VIDEO)
1 Shtator, 17:39
Mjaftonte 1/5 e ketij buchetti qe te blinin dy avione zjarrfikes dhe shpetonte e gjithe Shqiperia dhe bashke me Shqiperine shpetonin dhe ata te shkrete zjarrfikes qe rropaten me kodrave e maleve me T-shirt e me shkurre per te dikur zjarret neper kodra e male
Përgjigju