Lukashenko mbikëqyr nga afër stërvitjen e trupave të Putinit, rrezik për sulme ruse nga pjesa veriore e Bjellorusisë

Presidenti i Bjellorusisë, Aleksandër Lukashenko ka vizituar një bazë ushtarake ku janë vendosur trupat ruse në vendin e tij. Ministria e Mbrojtjes së Bjellorusisë bëri me dije se gjatë takimit të Lukashenkos me përfaqësues të ushtrisë ruse u diskutua mbi stërvitjet e përbashkëta ushtarake midis dy shteteve.

“Në këtë fazë, njësitë e forcave të armatosura të Federatës Ruse janë të gatshme të kryejnë detyrat e parashikuara”, tha një përfaqësues i ushtrisë ruse.

LEXO EDHE:
VIDEO/ Mirlind Daku shënon gol në javën e parë të kampionatit rus

Minsku tha të enjten se do të marrë më shumë armë dhe pajisje nga Rusia.

Ky bashkëpunim midis dy vendeve rrit mundësinë që Moska të përdorë territorin e Bjellorusisë për të nisur sulmet nga pjesa veriore e saj.

Minsku ka mohuar se dëshiron të hyjë në luftën kundër Ukrainës, por Rusia kishte përdorur territorin e Bjellorusisë për të nisur pushtimin më 24 shkurt, por ndërkohë Moska vazhdon ta përdorë hapësirën ajrore bjelloruse për të kryer sulme me dronë dhe me raketa, kjo e konfirmuar edhe nga Kievi.

Lajmi kryesor:

Dështon armëpushimi në Ukrainë, Kievi: Forcat ruse vijuan luftimet në rajonin e Kramatorskut! Moska: Ushtria ukrainase bombardime me mortaja e artileri

F.D/Shqiptarja.com

TAG:
• Aleksander lukashenko