Receta

Lulelakër e fërguar në marinadë speciale me uthull dhe trumzë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 22 Tetor, 11:19 | Përditesimi: 22 Tetor, 11:20

Lulelakër e fërguar në marinadë

Përbërësit:

500-600 gr lulelakër
100 gr miell
3 kokrra vezë
4 lgj birrë
250 ml uthull e bardhë
2 qepujka të grira
Trumzë e freskët
Kripë sipas dëshirës
Vaj për skuqje

Përgatitja:

LEXO EDHE:
Speca turli nga zonja Albana

Ndajmë lulelakrën në tufëza dhe e ziejmë në ujë të vluar me kripë për 5 minuta. Ndërkohë përgatisim miellin në një pjatë. Rrahim vezët në shkumë dhe shtojmë birrën. Vendosim në zjarr tiganin me vaj dhe e nxehim ngadalë. Kalojmë lulelakrën në miell duke e pudrosur mirë nga të gjitha anët. Më pas lulelakrën e kalojmë në vezë dhe e vendosim të skuqet në tigan. I kthejmë disa herë që të skuqen mirë nga të gjitha anët dhe më pas i lëmë të kullojnë mbi një letër kuzhine. Kripën ua hedhim kur të mbarojë fërgimi. Për të përgatitur marinadën shoqëruese hedhim uthullën me qepujkat e grira në një tigan. E lëmë për 5-6 minuta në vlim, më pas shtojmë trumzë dhe fikim sobën. E hedhim në një tas dhe e shërbejmë bashkë me lulelakrën.

MC/Shqiptarja.com

TAG: