POP 5

Lajmet më të lexuara të 5 minutave të fundit

Ekonomi

‘Lulëzon’ tregtia, rriten me 92% eksportet e mallrave! INSTAT: Në prill u eksportuan 28.6 mld lekë mallra

Tregtia e mallrave duket se e ka mposhtur ndikimin e pandemisë COVID-19, pasi në 4 muaj vendi ka eksportuar 108.9 miliardë lekë dhe ka importuar mbi 225 miliardë lekë. Këto të dhëna janë shumë herë më të larta se ato të një viti më parë. Sipas INSTAT rikuperim i ndjeshëm është regjistruar edhe në sektorin fason.

Tregtia e mallrave në muajin prill ka kapërcyer jo vetëm shifrat e vitit të kaluar kur vendi ishte në karantinë, por edhe vlerat që nga viti 2009. Sipas të dhënave të INSTAT muajin e kaluar eksportet e mallrave arritën vlerën 28.6 mld lekë, duke u rritur me 92,3 %, në krahasim me të njëjtën periudhë të një viti më parë, kur u eksportuan 14.9 miliardë lekë. Ndërkohë në prill të vitit 2019 eksportet ishin në vlerën e 27 miliardë lekëve.

“Krahasuar me mesataren mujore të tre viteve, 2018-2020, eksportet në muajin Prill 2021 u rritën me 25,8 %”, thuhet në raportin e INSTAT.

Përpos këtij përmirësimi eksportet muajin e kaluar janë ulur me 9,5 %, në krahasim me Mars 2021. Edhe importi i mallrave ka regjistruar rritje 72,9 %, në krahasim me një vit më parë, pasi janë blerë nga jashtë mallra me vlerë 63 miliardë lekë.

“Krahasuar me mesataren mujore të tre viteve, 2018-2020, importet në muajin Prill 2021 u rritën me 29,1 %”, vijon më tej raporti.

Ndërsa deficiti tregtar i këtij muaji është 34 mld lekë, duke u rritur me 59,4 %.

Sa i takon katërmujorit të parë të këtij viti gjithsej i janë shitur vendeve të huaja mallra me vlerë 108.9 miliardë lekë, nga 80.7 miliardë lekë që ishte në 2020, ndërkohë që janë blerë 225 miliardë lekë.

Grupet që kanë ndikuar pozitivisht në rritjen vjetore të eksporteve, janë Materialet e ndërtimit dhe metalet, minerale, lëndë djegëse, energji elektrike dhe grupi i  Tekstileve dhe këpucëve. Ndërsa tek importet si katërmujor, kanë ndikuar pozitivisht po makineritë, materialet e ndërtimit dhe produktet kimike dhe plastike.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • A. N.: 18/05/2021 07:28

    Sa te kemi kanabisin skemi nevoje per eksport tjeter. :)

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46