Kryeministri Edi Rama nëpërmjet një postimi në rrjetet sociale ka uruar për 69-vjetorin ish-presidentin e Kosovës Behgjet Pacolli, aktualisht kryetari i AKR-së.
Në postimin e gjatë Edi Rama tregon se si Pacolli, që lindi në një fshat të varfër, arriti të 'ndërtojë botën'. Kryeministri e konsideron veten me fat që e njeh personalisht, pasi thotë se ai nuk është një biznesmen apo politikan i zakonshëm.
BEHGJET PACOLLI bën plot 69 vite të jetuara në një fluturim të vazhdueshëm, qëkur u dha krahëve e u shkëput nga "pista" e oborrit të shtëpisë së tij shumë të varfër të lindjes, në fshatin Marec, për të vijuar të fluturojë nëpër një hartë koordinatash gjithnjë e më të çuditshme... nga Luganoja e pasanikëve të mbrojtur prej sekretit të vjetër bankar zviceran, në Moskën e klientëve pasanikë të pushtetit të dalë nga gryka e tankut mbi parlamentin e sovjetëve; nga zyra e Jelsinit në zyrën e Sllobos e nga Kremlini për firmosjen e kontratës së restaurimit, në Prishtinë për vendosjen e firmës mbi dokumentin e pavarësisë së Kosovës; nga Astanaja e kantiereve guliveriane të Sulltan Nazarbajevit, në Shën Tropenë e pushimeve luksoze të Brizhidë Bardosë e të qenve të saj të dashur; gjithnjë me ca ndalesa të befta e gjithnjë më të shpeshta në Shqipëri, nga koha kur këtu hante pula gurë e Bexheti donte t'i vinte Hotel "Dajtit" 5 yje në ballë, në kohën kur guri këtu hante pulat dhe Bexhetit ia morën Hotel "Dajtin" në mëngjes, pasi ia dhanë në darkë... e kështu deri sot e gjithë ditën, ai ndalet në Shqipëri, sa herë i duhet të prekë tokën e të shohë detin.
Luli i Vocërr i Marecit u bë bosi i madh i Mabeteksit, falë një fuqie për të ëndërruar, një kurajoje për të guxuar e një aftësie për të fluturuar, që e bëjnë Bexhet Pacollin një fenomen unikal suksesi të llojit të vet në botën shqiptare. The sky is the limit, qielli është kufiri, do të ishte përkufizimi më i sigurtë për jetën e tij, që edhe do ta shpëtonte këdo që do të rrekej t'ia kornizonte historinë, qoftë nga detyrimi i pamundur për t'ia rrokur atë krejt dhe qoftë nga pamundësia për të mos gabuar në leximin e këtij personazhi sa tokësor e të vërtetë, po aq ajror e romanesk.
Çfarë historie fluturimi i tij nga krahët e vdekjes në morgun e akullt, ku e futën si trup të pajetë pas aksidentit të tmerrshëm apo rënia e tij pikiatë në dashurinë e llahtarisur me Anën dhe ringritja në fluturim për të ikur prej saj! Çfarë historie ngjitja e tij në Presidencën e Republikës së Kosovës dhe rënia prej asaj maje sa hap e mbyll sytë! Çfarë historie rishfaqja i tij në Marecin e braktisur nga të gjithë, për të ndërtuar shtëpitë e mëdha për krejt vëllazërinë dhe shpërngulja e kompanisë së tij në Kazakistan, për të ndërtuar një kryeqytet nga e para!
Nuk e di ç'do të kisha menduar për Bexhetin sikur të mos e kisha pasur fatin ta njoh, po me siguri do kisha gabuar, keq, siç gabojnë me sa kam parë ata që kujtojnë se ai është një pasanik si ca të tjerë, që mund të kyçet kollaj në kornizën klishe të biznesmenit politikan. Pa lidhje!
Bexhet Pacolli është një njeri shumë special dhe të gjitha ato që i kanë ndodhur, megjithë pasurinë e tij, janë si shtëpia e tij mbresëlënëse në Hajvali, me faltoren e bukur të nënës së vdekur ngjitur me banesën ku mungon ai vetë, Bexheti, djali harrakat që s'është në shtëpi po gjetkë, në një fluturim që vazhdon. Sepse as pasqyra e tij më besnike dhe as vlera e vet më e madhe s'është as ajo që ka, as ajo që bën, po është ai vetë, si njeri, të cilit ia uroj megjithë zemër të rrojë sa më gjatë, për veten, familjen, fëmijët e mrekullueshëm, e për këdo ka fatin ta njohë siç është, boll që të mos synojë ta kornizojë.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
Fjale te duhura per nje fenomen Shqipetar, .. Edhe une e admiroj por se njoh, biseda me te duhet te jete nje leksion. Edhe 100 Bexhet!
PërgjigjuPër të treguar kush është Behxhet Pacolli,ai emrin e vet e shkruan gabimisht Behgjet, dëgjoni rrëfimin e një polici shqiptar nga Medvegja, që kishte mbetur të punojë në polici,pasi Millosheviqi në vitin 1993 kushte larguar të gjithë policët shqiptarë nga puna. Punoja në policinë kufitare në Merdar thotë ky. Aty çdo ditë plaçkitnin shqiptarët që vinin nga Perëndimi për t'i vizituar familjet e tyre në Kosovë. Asnjë nga ata nuk mund të futej në Kosovë pa ua plaçkitur edhe feningun e fundit. Një mendjes marsi në kufi arriti Behxhet Pacolli me një makinë mercedes i ri. Sakaq 4,5 policë e rrethuan makinën e tij,e nxorën atë jashtë makinës,e urdhëruan të hapë bagazhin, dy prej tyre hulumtimin bagazhin,njëri i'a kontrollonte trupin,xhepat, kurse një polic futi kokën brenda makinës duke kontrolluar xhepat e dyerve të makinës dhe nga andej doli me një çantë të vogël dore. Nga çanta nxori një shumë të madhe parash. Të kënaqur që gjetën aq shumë para u futën brenda në një zyrë të doganës,edhe unë shkova pas tyre.shefi goxha vonoi derisa i kumtoi 360 mi franga të Zvicrës. Merrne formularin dhe plotësime për bankën se parat e konfiskuara duhet deponuar në bankë.pse nuk presim pak, thash sikur t'a dija. Mirë tha shefi presim. Pas një ore, shefi na thirri. Kur u futëm në zyrë. Ishte i shqetësuar. Tani pak më parë më thirri Ministri i MUP dheë urdhëroi që parat menjëherë t'ia kthejmë Pacollit, shkoni bashkë me Dragani në Hajvali kthenia parat Pacollit i kërkoni falje dhe le t'ua nënshkruajë pranimin e parave. Pas një ore rrugë arritëm para dyrëve të Pacollit në Hajvali, i'a dhamë parat dhe përsëri u kthyem në Mërdar.