Luljeta Lleshanaku nominohet për çmimin “Poeti Europian i Lirisë”

Poetja Luljeta Lleshanaku është nominuar për çmimin letrar “Poeti Europian i Lirisë 2022” që organizohet nga qyteti Gdansk në Poloni .

Çmimi synon të nderojë dhe të promovojë fenomenet në poezi që trajtojnë një nga temat më thelbësore për lexuesin bashkëkohor – lirinë – dhe, njëkohësisht, karakterizohen nga vlera të jashtëzakonshme artistike. Çmimi mund t’i jepet vetëm një shkrimtari të gjallë nga Europa.

Poezitë e Lleshanakut janë përkthyer nga shqipja në polonisht nga përkthyesja e mirënjohur Dorota Horodynska.

Rezultatet e konkursit do të shpallen në pranverën e vitit 2022, gjatë Festivalit të Poetit Europian të Lirisë, organizuar në Gdańsk. Laureati i Çmimit Poeti Europian i Lirisë do të marrë një statujë dhe një shpërblim prej 100,000 zlloti polake. Përkthyesi i poetit fitues do të marrë gjithashtu një statujë dhe një shpërblim prej 20,000 zlloti polake.

Juria e çmimit

Juria e çmimit të Poetit Europian të Lirisë do të përbëhet nga Krzysztof Czyżeëski (kryetari i jurisë), Paëeł Huelle, Zbignieë Mikołejko, Stanisłaë Rosiek, Anda Rottenberg, Beata Stasińska dhe nobelistja polake Olga Tokarczuk. Sekretari i Çmimit do të jetë Andrzej S. Jagodziński.

/r.k./Shqiptarja.com

TAG:
• luljeta lleshanaku
• Poeti Europian i lirise 2022