POP 5

Lajmet më të lexuara të 5 minutave të fundit

Kultura

21 marsi, bota ‘lobon’ me vargje për paqen, institucionet e kulturës në vend harrojnë Ditën e Poezisë! Lleshanaku në Leipzig, mes poetëve të rekomanduar

Institucionet e kulturës lënë në harresë Ditën Ndërkombëtare të Poezisë, ndërsa bota e kujton përmes hashtagut “Poezia për paqen”. Ngjarjet më të rëndësishme për poezinë shqipe në 2022-shin lidhen me poeten Luljeta Lleshanaku. Libri i saj “Qyteti i mollëve” është prezantuar në Panairin Ndërkombëtar të Librit në Leipzig të Gjermanisë, ndërsa në 11 qershor në Poloni, do të vendoset nëse Lleshanaku do jetë fituese e çmimit “Poeti Evropian i Lirisë”.

Ndonëse 21 marsi kalon në heshtje nga institucionet e kulturës në Shqipëri, bota e kujton Ditën Ndërkombëtare të Poezisë përmes hashtagut “Poezia për paqen”… Prej vitit 1999, kjo ditë synon të kujtojë forcën e fuqishme të vargjeve në rimë apo prozë... Ngjarjet më të rëndësishme të poezisë shqipe për këtë vit lidhen sërish me emrin e poetes Luljeta Lleshanaku, e cila është për së dyti kandidate e çmimit “Poeti Evropian i Lirisë”, që pritet të mbahet në 11 qershor në Poloni.

 “Gjëja më e mirë, është se pas 10 vitesh je ende në treg, apo së paku e lexueshme. Se kam përshtypjen që vjen një moment, ku secili shkrimtar bëhet pak konservator në stilin e tij. Pra, është më pak i hapur ndaj të rejave, ndaj eksperimenteve me veten, qoftë edhe për faktin se çdo autor ka edhe një limit përvoje. Ka një përvojë jetësore deri diku të kufizuar. Por, sidomos poezia e cila për shkak të natyrës së saj vertikale, pra sintetike, arrin të konsumojë shumë më shpejt edhe se proza. Sepse një poezi mund të ketë peshën e një romani apo edhe më shumë" , tha Lleshanaku.

Përmes Akademisë së Gjuhës dhe Poezisë, Gjermania po ashtu vlerëson poezinë e Lleshanakut, duke e renditur ndër poetët e rekomanduar për këtë vit. Kjo përzgjedhje bëhet fill pas përkthimit të dytë të poezisë së saj nga Andrea Grill. Libri “Qyteti i Mollëve” u përzgjodh nga Shtëpia e njohur botuese Karl Hanser, që boton emra si nobelistja Herta Muller.

 “Andrea Grill është vetë një shkrimtare prozatore dhe poete e njohur. Ka jetuar dy a tre vjet në Shqipëri dhe e njeh mirë shqipen. Me të është e lehtë se, duke qenë vetë prozatore, nuk ekziston ai lloj moskuptimi. Përpos kësaj është edhe shumë kreative. Po, është një gjuhë që unë nuk e njoh. Pra, në punën e një përkthyesi në anglisht, unë mund të ndërhyj herë pas here, apo të sugjeroj.  Ndërsa kjo është një tjetër formë bashkëpunimi. Por, duke parë dhe ecurinë e librit të parë si dhe komentet që u bënë për të, mund të themi se jemi në një pikë të mirë”, tha Lleshanaku.

“Qyteti i mollëve” është prezantuar këto ditë edhe në Panairin Ndërkombëtar të Librit në Leipzig të Gjermanisë, i konsideruar si një prej panaireve më të rëndësishëm të librit.

/Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51