Lulzim Bashën s'do e votojë as
bashkëshortja në 18 qershorDokumenti/La shtetësinë në vitin 2004

Lulzim Basha deklaroi sot se familja e tij që prej vitit 2005 është zhvendosur në Tiranë, ku edhe dy fëmijët e tij jetojnë këtu.
 
Por, ndonëse është jurist me profesion, kreu i PD-së ka harruar se dokumentet që nxjerrin në pah mashtrimin e tij janë të publikuara në Fletoren Zyrtare.

Nga një kërkim rezulton se bashkëshortja e tij, Aurela Xhafer Isufi (Basha) ka hequr dorë nga shtetësia shqiptare në vitin 2004.
 
Dekreti i lënies së shtetësisë është firmosur nga ish-Presidenti, Alfred Moisiu dhe mban Nr. 4117, datë 19.01.2004.
 
Në faqen zyrtare të Ministrisë së Jashtme thuhet se ka tre mënyra për të përvetësuar kombësinë holandeze.
1. Me ligj (automatikisht).
2. Përmes procedurës së opsionit.
3. Nëpërmjet natyralizimit.
 
Madje, Aurela Basha nuk ka mundur dot të marrë pjesë as në zgjedhjet, ku kandidoi dhe burri i saj për Bashkinë e Tiranës në vitin 2011, pasi nuk kishte shtetësi shqiptare dhe nuk figuronte në listat e zgjedhësve.
 
Madje, edhe tani që kandidon për Kryeministër, Lulzim Basha do të ketë një votë minus në zgjedhjet e 18 qershorit të këtij viti, pasi bashkëshortja e tij nuk figuron as këtë vit në listën e zgjedhësve, siç mund ta verifikoni në faqen e KQZ-së, ku është botuar ekstrakti paraprak i listës së votuesve.


(Dekreti i Presidentit për lënien e shtetësisë nga Aurela Isufi)


(Kërkimi në KQZ, Aurela Isufi nuk ekziston në regjistrin e zgjedhësve)


Redaksia Online
i.q/Shqiptarja.com

TAG:
• kqz