POP 5

Lajmet më të lexuara të 5 minutave të fundit

Kronikë

Digjet banesa në fshatin Bubullimë të Lushnjës, ndërron jetë 82-vjeçari! Shpëton bashkëshortja e tij

Një 82-vjeçar ndërroi jetë në Lushnje, pasi banesa e rrënuar ku jetonte vetëm me gruan u përfshi nga flakët. Paraprakisht dyshohet se zjarri u shkaktua nga soba e druve që ata kishin lënë ndezur për tu ngrohur gjatë natës.

LUSHNJË- Flakët e zjarrit përpinë shtëpinë me dërrasa, ku jetonin të vetmuar e në mjerim Koli dhe Kristina Koçi.

Çatia me dërrasa është djegur dhe trarët kanë zënë poshtë 82-vjecarin, i cili ndërroi jetë në vend, ndërsa bashkëshorten e tij arritën ta shpëtojnë fqinjët.

Ngjarja e rëndë u shënua në orën 3:40 në fshatin Bubullimë të Lushnjes.

Fqinjët tregojnë se çifti i moshuar nuk kishte fëmijë. Ata jetonin të vetëm dhe në gjendje të vështirë ekonomike.

Sipas fqinjëve zjarri mund të jetë shkaktuar nga një shkëndije elektrike, por këtë hipotezë e hedh poshte shefi i zjarrfikëses, i cili tha se zjarri mund të jetë shkaktuar nga soba e druve, që të moshuarit e kishin lënë ndezur për tu ngrohur gjatë natës.

Shkaqet e zjarrit pritet të përcaktohen nga grupi hetimor që mbërriti në vendngjarje, ndërsa trupi i pajetë i 82-vjecarit Koli Koçi u transportua në morg. E shoqja, Kristina Koçi ndodhet në spital, me plagë djegie por jashtë rrezikut për jetën.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    1 maji, a respektohen të drejtat e punëtorëve në Shqipëri?

Lajme të tjera



×

Lajmi i fundit

Champions League/ PSG vijon ‘traditën’, Dortmund e mposht 1-0 në gjysmëfinalen e parë

Champions League/ PSG vijon ‘traditën’, Dortmund e mposht 1-0 në gjysmëfinalen e parë

1 Maj, 22:57