TIRANE- Tirana ka numrin më të lartë të arsimtarëve që janë në listat e pritjes për një vend pune. Nga të dhënat që raporton drejtoresha e arsimit për kryeqytetin, kërkesat më të mëdha në numër për një vend pune janë për mësues të gjuhës shqipe, matematikë, fizkulturë e gjuhë të huaja. Ajo shprehet se të gjithë arsimtarët që janë në listat e pritjes, rreth 1400 të tillë janë të lutur të aplikojnë në portalin kombëtar, që më pas të bëhen pjesë e testimit, në bazë edhe të së cilit ata do të gjejnë një vend pune nëse do të arrijnë rezultatin e duhur.