Report Tv sjell ekskluzivisht një letër të shkruar në 23 maj të vitit 2018 nga i penduari i SPAK-ut, Luftar Reçi, i dënuar me 25 vite burg për vrasjen e Maksim Lalës dhe djegien e kufomës së tij, vrasje për të cilën pretendon se e ka porositur Ymer Lala. Luftar Reçi, i cili ka rrëfyer për vrasjet e bujshme të viteve 2005, ia dërgon letrën 34-vjeçarit Erjon Llapushi, një personazh i njohur i botës së krimit, i cili në tetor të 2021 vrau për arsye banale kryekamerierin e një restorant në Elbasan, Gazment Kurmakun, për rezervimin e një tavoline. Erjon Llapushi dhe Luftar Reçi kanë kaluar një periudhë të caktuar kohe bashkë në burg, duke krijuar miqësi. Ndërsa Llapushi ka dalë nga burgu për të kryer krimin e radhës, Luftar Reçi i shkruan një letër, ku flet për informacionet e tij të thella se si funksionon nëntoka e krimit në Shqipëri si dhe për lidhjet me kupolën e policisë dhe politikës.
Në letrën prej 10 faqesh, Luftar Reçi, i shkruan Erjon Llapushit, i cili sot është një nga njerëzit më të kërkuar nga policia, se di kaq shumë krime të pazbardhura, saqë nëse do t’i tregonte, në Shqipëri duhet të hapet një burg i ri.
Luftar Reçi flet në letër për lidhjet me Agron Kuliçajn, ish truprojën më të besuar të Sali Berishës dhe më pas zëvendësdrejtor i Përgjithshëm i Policisë së Shtetit nga vitit 2005 deri në vitin 2013. Kuliçaj ka pasur në letra epror fillimisht Bajram Ibrajn, më pas Ahmet Premçin, ndërsa në fund Hysni Burgajn, por në realitet ka qenë shef i të treve.
Luftar Reçi, një nga njerëzit e rëndësishëm të botës së krimit, i shkruan Erjon Llapushit, se mik për jetë dhe mik shpie ka pasur vetëm Agron Kuliçajn. Reçi thotë se Kuliaj i ka lehtësuar malin me akuza të rëndë dhe se ka shpëtuar nga burgimi i përjetshëm.
‘Mik shpie e mik për jetë kam pasur vetëm Agron Kuliçajn, dhe prej tij kam kaq vite burg. Po të mos ishte ai burrë unë të paktën...burgime të përjetshme i kisha marrë. Por, ishte ai burrë dhe ranë të gjitha akuzat dhe mbeti vetëm vrasja e kushëririt të Ymer Lalës, që u dënova në Burrel. Jam ndoshta i vetmi i dënuar që me urdhër të Agron Kuliçajt nuk bëra anikimimin në Apel. Sepse do të ma bënin...dënimin sepse kam vrasje dhe djegie kufome. Pra, atë kam pasur dhe kam mik”, shkruan ndër të tjera Luftar Reçi.
Reçi është dënuar në vitin 2008, pikërisht në një kohë kur Agron Kuliçaj ishte i zëvendësdrejtor i Përgjithshëm i Policisë së Shtetit.
Ambasada Amerikane në Tiranë, në një kabllogram dërguar DASH më 25 nëntor 2009, shkruan se Agron Kuliçajt është i korruptuar dhe i lidhur me krimin. “Jo vetëm praktikat korruptive për Kulicajn janë tashmë të njohura, por ka zëra brenda në polici që besojnë se vetë Kulicaj, ndoshta ka ndihmuar Dritan Dajtin për t’i shpëtuar arrestimeve të dështuara në të shkuarën.... Burgaj (ankohet tek ambasada e SHBA) e ka shprehur se ai ka problemet e tija me Kulicajn dhe të tjerë të supozuar për korrupsion në polici dhe lidhje me krimin e organizuar. Zoti Burgaj është i intimiduar pasi Kulicaj është një i afërt i kryeministrit dhe ish-bodigard i tij. Sugjerimi Burgajt lidhur me shqetësimet e ambasadës në lidhje me Kulicajn duhet t’i prezantohen kryeministrit Berisha, i cili është i vetmi që mund të marrë vendimi me postin se ku mund të punojë ish-bodigardi i tij”, thuhet në kabllogram.
Ndërkaq, në letrën e tij, Luftar Reçi, nënkupton se Erjon Llapushi është pjesë e grupit të Çapjave në Elbasan, madje i sugjeron Llapushit që të informojë Çapjat për goditjen që po përgatitet ndaj tyre. Sipas tij, Çapjat janë në rrezik pasi janë pa pushtet, për shkak se janë të PD-së. Duke rrëfyer për krime të ndryshime, Luftar Reçi, në një farë mënyrë edhe e shantazh Erjon Llapushin, pasi shkruan për një letër anonime që i kanë dërguar, në të cilën flitet për vrasje ku ka marrë pjesë edhe Llapushi.
Lufta Reçi, i dënuar me 25 vite burgim për vrasjen e Maksim Lalës, ka rrëfyer në datat 21 tetor, 31 tetor dhe 26 nëntor 2020 para SPAK, të gjithë veprimtarinë kriminale që pretendon se ka pasur me Lulzim Berishën dhe anëtarët e tjerë të bandës së tij, me qëllim për të zbutur dënimin e tij.
Me rrëfimet e tij Reçi ka implikuar: Viktor Bajraktari (Imeraj), Emiljano Shullazi, Indrit Taullai, Lulzim Berisha, Plarent Dervishaj, Indrit Rusi dhe veten e tij, në vrasjen e Klodjan Saliut, Vajdin Lamajt dhe mikut të tij Artan Arsi. Pas këtyre rrëfimeve, SPAK ka marrë masa duke arrestuar dhe shpallur në kërkim të implikuarit.
Nga ana tjetër, Shullazi vuri në lëvizje Elton Goskovën, i njohur si Reqi i Korçës, bashkë me Ervis Kosovën, të cilët kanë tentuar të korruptonin familjarët e Luftar Reçit, me qëllim për të ndryshuar dëshminë për vrasjet. Vetë Reçit i janë ofruar 260 mijë euro për të ndryshuar dëshminë.
Krahas ofertave dhe kërcënimeve ndaj familjarëve të Luftar Reçit, për ta detyruar këtë të fundit të tërhiqte dëshminë, njerëzit e të implikuarve në vrasjet e bujshme, kanë nisur zbatimin e një plani B. Plani parashikonte eliminimin fizik të Luftar Reçit në burgun e Drenovës, me anë të helmimit përmes ushqimit. Që të dy planet u parandaluan dhe u goditën nga SPAK-u.
Letra e Luftar Reçit
Agron Kuliçaj dhe Erjon Llapushi
Lajme të tjera
-
Durrës/ Po lëviznin me makinë pa rrip sigurimi, shoferët tentojnë të korruptojnë punonjësit e Policisë Rrugore
12 Dhjetor, 13:21 -
Rama: 6 muaj sulme sikur unë e Xhafaj kishim plan të errët për të bllokuar SPAK, s'presim opozitën për të shkuar para! Gonzato: Reforma në drejtësi të jetë e pakthyeshme
11 Dhjetor, 16:14 -
Nipi i Pajtim Serjanit u kap me 1 kg kokainë, nga klientë të thjeshtë tek njerëz të njohur, droga shpërndahej në zonën e ish- Parkut dhe në lokale nate në Tiranë
10 Dhjetor, 12:01 -
DASH nderoi Altin Dumanin si kampion kundër korrupsionit, Ambasada amerikane: Frymëzim për ata që besojnë në fuqinë e të vërtetës! SHBA do vijojë të punojë me SPAK
10 Dhjetor, 07:38 -
Sekretari Blinken nderon sot 10 kampionë kundër Korrupsionit nga e gjithë bota
9 Dhjetor, 15:40 -
Basha shpalos programin e Demokratëve Euroatlantikë në Ditën Ndërkombëtare Kundër Korrupsionit: Gjykatë për Kontrollin e Shtetit! Ndryshime në Ligjin Anti-Mafia
9 Dhjetor, 15:01 -
Ambasada e SHBA-së dhe ajo gjermane mesazh në Ditën kundër Korrupsionit: Jemi bashkë në luftën ndaj tij! Van Horn: SPAK është anti korrupsioni
9 Dhjetor, 14:17 -
Nipi i Pajtim Serjanit kapet me 1 kg kokainë me vlerë 270 mijë €! E shiste në zonën e Shullazit, në pranga edhe shoku i tij! 6 muaj në përgjim (VIDEO)
9 Dhjetor, 10:46
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Audioregjistrimi i 21 janarit, SPAK dërgon në laborator kasetën! Do të bëhet ekspertimi për autenticitetin dhe identifikimi shkencërisht i zërave
26 Tetor, 10:47
-
Skënder Minxhozi: E megjithatë vrasjet peshojnë më shumë se vjedhjet
24 Tetor, 13:38
-
SKEDA/ 21 janari, Kuliçaj e Burgaj u kallëzuan për shpërdorim detyre në 2014! Refuzuan arrestimin e 'grupit të zjarrit', por hetimi u pushua! Ish drejtori: Urdhri Ishte me gabime
24 Tetor, 11:20
